عضلات الصدر هي المسؤولة عن البنية الهيكلية للجسم كله و هي المتحكمة في حركة الذراعين و جذع الجسم كله و من غير قوة عضلات الصدر قدرتنا بتقل علي شيل الأوزان و كمان السحب والدفع و الرفع ده غير إن عضلات الصدرالقوية بتساعد علي الثقة بالنفس والرضا عن شكل الجسم بشكل عام ، و علشان كده هنتكلم عن أهم التمارين اللي هتساعد في بناء و تقوية عضلات الصدر بشكل فعال.
1- تمارين الضغط
قبل القيام بأي تمرين لازم نقوم بتمارين الإحماء و تمارين الضغط هي أفضلها و بتتميز بإننا مش هنحتاج أوزان أو رفع أثقال ول حتي هنحتاج إننا نروح الجيم لإن تمارين الضغط بتعتمد علي وزن الجسم فقط.
-وضع القدمين و اليدين علي الارض بشكل صحيح والجسم يكون متمدد ومستقيم كله و الوجه في إتجاه الأرض بعد كده هتقوم بعملية الضغط والنزول بإتجاه الأرض مع ثني الذراعين و تقريب الصدر من الأرض وبعد كده بنرفع جسمنا بشكل تدريجي علشان يرجع لوضعه الطبيعي ، هنقوم بتكرار تمرين الضغط لثلاث مجموعات كل مجموعة 10 عدات وهنهتم بفرد الجسم وشد الضهر كويس جدا و تنظيم عملية التنفس و محاولة التنفس ببطء.
-من تمرينات الضغط الي بتساعد كمان علي شد عضلات البطن وحرق الدهون هو تمرين الضغط "الرجل العنكبوت" و ده ممكن نمارسة عن طريق وضع اليدين علي الأرض مفرودة مع إستقامة الجسم والكاحلين وشد عضلات البطن لأعلي درجة ممكنة و الوقوف علي أطراف الجسم و مع نزول الجسم لأسفل هنقوم برفع واحدة من الركبتين و الوقوف لمدة ثانية قبل رفع الجسم للأعلي مره أخري مع التبديل بين الركبتين و تكرار نفس الخطوات مره تانية.
-تمرين الضغط علي بنش ثابت بالدمبل
هو نوع من أنواع تمارين الضغط اللي بنقوم بيها عن طريق التمدد علي بنش ثابت و مسك الدمبل في كل يد ورفع الدمبل لأعلي و ذراعيك مرفوعة إلي أقصي درجه ممكنة ثم الوقوف لمدة ثانية للضغط علي العضلات و النزول بالدمبل مرة أخري ولزم تكون المسافة بين بين الدمبل و الصدر حوالي 2,5 سم و تكرار الحركة مرة تانية ورفع الدمبل
2-تمرين الغطس إلي الأمام
لو كنت بتعاني من أي آلام في عضلة الكتف هتبدأ بحركات بسيطة من تمرين الغطس علشان يقلل من الألم الموجود ، تمرين الغطس بيتم عن طريق ربط حزام الأوزان حول الوسط و الوقوف في جهاز التعلق المتوازي والضغط عليه بالكاحلين للإرتفاع و رفع الأوزان الموجودة في حزام الأوزان علشان توصل لأعلي مستوي و الرجوع لنقطة البداية تدريجيا
3-تمارين الإطالة بإستخدام الدمبل
هو من أسهل التمارين بالمقارنة بتمارين أخري و مفيد للعضلات لأنه بيحرك كل عضلات الصدر و الذراعين و الكتفين بالإضافة لعضلات الظهر العليا و كل اللي هتحتاجه علشان تبدأ التمرين هو كرسي التدريب وزوج من أوزان الدمبل الحديد و بنقوم بنفس الخطوات اللي عملناها في تمرين الضغط علي بنش ثابت بنفس الحركات و الترتيب.
و بكده نكون إتكلمنا عن 3 تمارين مهمين في بناء و تقوية عضلات الصدر بشكل فعال و سريع مع الإستمرار علي التمارينو الإلتزام و إتباع نظام غذائي صحي و متوازن هنقدر نحصل علي عضلات صدر قوية و شكل جسم متناسق.