U3F1ZWV6ZTQ5NDQ2NDcxODk0X0FjdGl2YXRpb241NjAxNjAzMDM5MzU=

اسهل طريقه لحساب السعرات الحراريه

السعرات الحرارية هي وحدة بنستخدمها في قياس الطاقة الحرارية اللي بيحتاجها الجسم ، عن طريق عملية الحرق للمواد الغذائية.



الطاقة اللي بيحتاجها الجسم مصدرها الأول الغذاء والاكل الصحي الغني  بالعناصر الغذائية اللازمة واللي بدوره بيساعد الجسم بنسبه كبييرة في عملية البناء العضلي ، علي عكس الاكل فقير القيمة الغذائيه اللي بيحتوي علي سعرات حرارية عالية بيخلي الحرق عندك عالي بدون إستفادة حقيقية للجسم فبيستهلك عضل وتفضل كتلة  الدهون ثابتة زي ماهي فهتلاقي وزنك بينزل علي الميزان بس شكلك ثابت ما بيتغيرش ، و ده سبب من أسباب شكوي كتير من الناس إنهم بيخسوا من غير تغيير في شكل جسمهم.

-طيب في الأول محتاجين نعرف إيه هي القيمة الغذائية اللي جسمك بياخدها من الاكل:

-القيمة الغذائية للجسم بتتكون من:
-املاح معدنية ، مضادات اكسدة ، فيتامينات ، احماض امينية ، الياف غذائية و بيطلق عليهم أغذية القوة بسبب إحتوائهم علي عناصر مهمة بتساعد الجسم و بتمده بالطاقة اللازمة.

وهنلاقي العناصر الغذائية دي دايما موجوده في الخضروات والفواكة زي التفاح ، الموز، البرتقال ،الجزر ، البروكلي ، الخس ، الكرفس والمحافظه علي تناول الأغذية دي بتساعد إنك تحافظ علي صحة ورشاقة الجسم لإنها بتحتوي علي العناصر الغذائية اللازمه للجسم و سعرات حرارية قليلة بالمقارنة بالأكل اللي بيحتوي علي دهون ضاره مشبعه بتمد الجسم بسعرات حرارية عالية و قيمة غذائية قليله.




ممكن حساب السعرات الحرارية للأشخاص وفقا لوزن الشخص و سرعة المشي الخاصة بيه، علي سبيل المثال لو كان الشخص وزنه 68 كجم فهيحرق 102 سعر حراري خلال 45 دقيقة في حالة إنه هيمشي بسرعة 2 ميل في الساعة، و ممكن تزيد إللي 168 سعر حراري إذا مشي بسرعة 3 ميل في الساعة و معدل حرق السعرات الحرارية في حالة المشي بسرعة 4 ميل في الساعة هيكون 255 سعر حراري.

في حالة لو كان وزن الشخص 56 كجم هيحرق 85 سعر حراري في مدة 45 دقيقة بمعدل مشي 2 ميل في الساعة و ممكن توصل ل 140 سعر حراري في حالة المشي بسرعة 3 ميل في الساعة و مع زيادة سرعتة في المشي ل 4 ميل في الساعة هيكون قادر إنه يحرق 212 سعر حراري.

السعرات الحرارية العالية اللي بيسببها الأكل الغير صحي بيكون ليها نسبة من أصل السعرات الحرارية اللي الجسم بيحرقها واللي لازم نكون عارفينها علشان نفكر ألف مره قبل ما ناكل حاجة ملهاش فايده لجسمنا و بتساهم بشكل كبير في تخزين الدهون في الجسم.



-طب هي إيه نسبة السعرات الحرارية اللي بيسببها الأكل عديم القيمة الغذائية بالمقارنة بالسعرات الحرارية اليومية كلها؟

-بالنسبه للرجال بتتراوح بين 260 -330  سعر حراري من سعرات اليوم
-بالنسبة للسيدات بتتراوح  بين 160 -260  سعر حراري من سعرات اليوم

الأكل الصحي اللي بيمد الجسم بالطاقة والنشاط لازم يكون موجود في حياتنا بشكل يومي علشان نحافظ علي صحتنا و شكل جسمنا ونقلل من الأكل اللي بيزود السعرات الحرارية  وبيساهم في تخزين الدهون في الجسم و بيأثر علي صحتنا وشكل الجسم بشكل سلبي.




ليست هناك تعليقات
إرسال تعليق

إرسال تعليق

شكرا علي تعليقك

الاسمبريد إلكترونيرسالة