من أكتر الأماكن في الجسم اللي بتكون عرضة لتراكم الدهون بشكل كبير هي منطقة الضهر ، و التخلص منها بيحتاج إستمرارية في ممارسة التمارين و بذل مجهود كبير و الصبر علي تحقيق النتيجة اللي محتاجينها.
و الخطوة الأولي اللي لازم نعملها علشان نعالج مشكلة دهون الضهر هي معرفة سبب المشكلة وليه الدهون تراكمت في المكان ده علشان نقدر نعالج المشكلة بشكل صحيح ونتجنب الحلول الغير فعالة.
إيه هي أسباب ظهور الدهون في منطقة الضهر؟
1-خلل في نشاط الغدة الدرقية و نقص هرمون ال Throxine:
-هرمون ال Throxine هو المسؤول عن ظهور دهون الضهر في حالة نقصة من الجسم بسبب خلل في نشاط الغدة الدرقية و وجود كسل فيها و ده بيؤدي لقلة إفراز الهرمون و تجمع الدهون في منطقة الضهر لعدم نشاط و حركة الدورة الدموية.
2-عدم ممارسة التمارين الرياضية:
-رياضين كتير بيمارسوا تمارين لكل العضلات في جسمهم ولكن بيتجنبوا ممارسة تمارين الضهر خوفا من التعرض للإصابة في منطقة الضهر لإنهم بيسمعوا كتير إن عضلات الضهر بتتعرض لإصابات دايما ولكن ده كلام مش صح لو مارسنا التمارين بشكل صحيح و تحت إشراف مدرب هنتجنب حدوث أي إصابات.
3-قلة الحركة:
-عدم ممارسة تمارين رياضية بالإضافة لقلة الحركة لفترات طويلة و قلة النشاط في الجسم بيحفزوا تراكم وتجمع الدهون في منطقة الضهر علي العكس لو كنا بنتحرك و بنبذل نشاط و مجهود بدني مستمر هنتجنب تراكم دهون الضهر و ظهورها.
4-الأكل الغير صحي:
-العادات الغلط في الأكل و تناول الأطعمة الغير صحية زي الأملاح و السكريات و الدهون و الإفراط في أكلها بتأثر جدا علي شكل الجسم حتي لو كنا بنمارس رياضة و بتؤدي لتراكم الدهون و الإضرار بصحة الجسم بشكل عام.
طرق علاج دهون الضهر:
-معرفة هل في خلل في نشاط الغدة الدرقية ولا لأ و في حالة وجود خلل بناخد أدوية تحت إشراف الطبيب بتساعد علي إفراز هرمون ال Throxine و علاج النقص الموجود في الجسم من الهرمون.
-إتباع نظام غذائي صحي والإبتعاد عن الأكل الغني بالسكريات والدهون والأملاح
-كثرة الحركة وعدم الجلوس لفترات طويلة وممارسة التمارين الرياضية بشكل مستمر
و أخيرا أي مشكلة ممكن التغلب عليها لو إتبعنا خطوات العلاج مع الإستمرارية والصبر لتحقيق النتائج.