إية دا هي العضلات ليها ذاكرة ، يعني العضلات بتفكر وكدا ؟؟
أكيد مش كدا يا بطل ، أصل مش جوجل هي تعريف حرفي ، لا دا الذاكره العضليه أشمل من كدا بكتير أوي وهحاول أبسطهالك في الأول بأمثله حياتيه بتعملها كل يوم في حياتك ، زي مثلا أن حد يسألك عن تعريف حاجه معينه فتلاقي نفسك بسرعه بتجاوبه علي السؤال ، أو حد يقرب من أيدك حاجه سخنه فبسرعة جدا تسحب أيدك ، أو تتفرج علي أغنيه معينه وتلاقيك بترددها ورا المغني ، طيب عمرك سألت نفسك لية أنا بعرف كل دا وإزاي حافظه كدا !؟
إجابته السؤال دا بسيطة وهي بسب " الذاكرة العضلية " ، فالذاكره العضليه مش بس بتحتوي علي معلومات مخزنه في دماغك للعضلات ، لا دي كل الأفعال اللي حفظها عقلك وأعتاد عليها من كتر ما بيكررها . طيب بما أن الذاكره العضليه هتقدر تحفظ كل الأفعال اللي أنا بقوم بيها ، فكدا معناه انها مفيدة جدا ليا ، ودا بالتأكيد حقيقي لأنك أول ما بتبدأ تمارينك الرياضيه برفع علي سبيل المثال الحديد بيحصل حاجتين للعضلات وهما :
_ تضخم لحجم الألياف .
_ زياده في عدد النوي Nuclei داخل الخلايا العضليه .
ولكنك لو أتوفقت فتره عن التمرين بيحصل أنكماش واضح في حجم الألياف العضليه ، بس العدد النوي Nuclei مش بيقل أبدا ولو قعدت فتره طويله جدا بدون اي تمارينات رياضيه هيرجع العدد النوي يقوم بدور كبير في تصنيع الألياف وتعود بسرعة لحالتك الجسمانيه القديمه .
ولذلك تقدر تقول أن فيه علاقه قوية جدا بين الذاكره العضليه وتضخيم العضلات ، فبدون الذاكره العضليه مش هتحفظ التمارينات المختلفه ومش هيكون عندك أستعابه قويه أنك لو وقفت تمارين لفتره وجسمك أتدمر مش هترجع تاني بسهوله للشكل القديم . وبالتالي الذاكره العضليه مهمه جدا ولازم تحافظ عليها وتقويها بشكل معين وهتقدر تقويها عن طريق الآتي :
_ لازم تعرف كويس أن الكيف أهم من الكم ، بمعني أنك متقعدش تكرر تمرين لمرات كتيره جدا وانت في الأساس بتعمله بشكل خاطئ لأن العقل اللاوعي عندك هيحفظه في الذاكره العضليه بالأسلوب دا وبالتالي لو جيت تعمله في أي وقت تاني هتكرره بشكل غلط تلقائي .
_ لازم ترجع لمدربك في كل التمارين بتاعتك وخاصه اللي ليها علاقه مباشره بتضخيم العضلات وتحفظها كويس ، علشان ذاكرتك تتلقي بسهوله أشارات عند تكرراها وبالتالي وقت التمرين تكون أسرع في التمرين وفاهم كويس أنت بتعمل اية .