عارفين كويس أنك من ساعه ما شوفتي كميه دهون كتيره حوالين وسطك أنك مكئتبه وزعلانه جدا علي اللي وصلتيله ، وبتحلمي كل يوم أنك تخسريها كلها وتصحي في يوم ما تلاقيهاش ، بس دا للأسف مش هيحصل في يوم وليله أنتي لازم تحاولي بجد وتتبعي أنظمه معينه طبيعه وتعملي بعض التمارين ومع الوقت حلمك دا هيبقي حقيقه بسهوله ، علشان كدا لازم تقرأي المقال دا كويس وتبدأي علي طول في تنفيذ كل حاجه فيه .
بس في الأول لازم تعرفي أسباب تراكم الدهون في منطقه الوسط والبطن علشان تبعدي تماما عنهم ، وهما جلوسك لفترات طويله جدا بدون أي حركه ودا بيحصل بالأكثر وقت الشغل ، الي جانب تناولك للكتير من الأطعمه الغير صحيه والمشبعه بالدهون وتناول بالطبع كميات كبيره جدا من الأكل بدون اي حسبان وايضا شرب المياه الغازيه وغيرها بشراهه كبير ودا كله بتعمليه بدون ما تمارسي اي رياضه او تمشي علي الاقل ساعتين يوميا وبالتالي كل الدهون بتتراكم في منطقه البطن والوسط ، لذلك هنعرض عليكي دلوقتي طرق طبيعيه تساعدك في تنحيف الوسط وخساره الدهون بالاضافه بالتأكيد للتمارين الرياضيه اللازمه .
الطرق الطبيعيه لتنحيف الوسط :
لو أتبعتي الطرق دي في خلال من 10 لـ 12 يوم هتبدأي تحسي بالفرق وتشوفيه .
_ اشربي عصير قبل الفطار : يوميا قبل ما تبداي في فطورك جهزي نوع عصير طازج انتي بتفضيله واشربيه ولو كان النوع دا عصير فواكه يبقي لازم تشربيه قبل فطاراك بنص ساعه او ساعه الا تلت وبعده تتناولي الفطار .
_ اشربي مايه كتير : من صغرك وأنتي متعوده تسمعي الكلمه دي " لازم تشربي لترين مايه يوميا " ودي معلومه صح جدا لان المايه في العموم هتساعد في تنقيه جسمك من السموم وهتساعد في تنحيف وسطك .
_ متتناوليش اي مياه غازيه : المايه الغازيه من الحاجات اللي بالتأكيد شئ أساسي في يومك وانتي اكيد عارفه كل أضرارها لصحتك وبردو مكمله في شربها يوميا ، بس فعلا لو عاوزه بجد تتخلصي من كل الدهون اللي بتعاني منها في وسطك يبقي لازم تبطلي تشربيها إطلاقا وهترتاحي من اي انتفاخ بتعمله لبطنك الي جانب بعد 12 يوم من الابتعاد عنها هتحسي بفرق شكل بطنك .
التمارين الرياضيه المهمه لتنحيف وسطك :
علشان تسرعي في التخلص من الدهون يبقي لازم تتبعي التمارين الرياضيه الآتيه مع الطرق الطبيعيه بالأعلي وهما :
التمرين الأول :
استلقي علي الارض بظهرك واثني ركبتيك واجعليهم في زاويه 90 درجه مع وضع يديكي خلف رقبتك ، وقومي بعد من 10 لـ 15 عده برفع الرأس والكتف والصدر من علي الأرض .
التمرين الثاني :
بنفس وضعيه التمرين الأول ستقومي فقط بثني ساق فقط فوق الساق الأخري وتقومي بعمل التمرين مع تحريك كل ساق في كل عده ، ولازم تحرصي ان الكوع الايمن يلامس الكوع الايسر وهكذا .
التمرين الثالث :
قومي بالوقوف مع فتح الرجلين وضعي يديكي جانبا وقومي برفع كل يد الي الاعلي مع الميل الناحيه الاخري .