U3F1ZWV6ZTQ5NDQ2NDcxODk0X0FjdGl2YXRpb241NjAxNjAzMDM5MzU=

هرمون النمو(Growth Hormone) لكمال الأجسام فوائده وأضراره

 إن يكون الجسم رياضى والعضلات مفتولة وبارزة دا حلم كتير من الشباب وخاصة المراهقين , فيه منهم بيروح الجيم ويبدأ يظبط جسمه ويمارس التمارين الرياضية وفيه منهم - النوع اللى هنتكلم عنه النهاردة - بيلجأ إلى إستخدام هرمونات ومنشطات تساعده فى تكوين جسم رياضى قوى لكن الحلم دا بيتحول لكابوس لما تأثير الهرمونات الضار دا بيظهر على جسم
الإنسان . 
Growth hormone for bodybuilding benefits and damage

من أشهر الهرمونات اللى بيستخدمها المراهقين مايسمى ب هرمون النمو (Growth Hormone).

الغدة النخامية هى التى بتنتج الهرمون ودا بيساعد فى نمو الأطفال حتى مرحلة البلوغ وكمان بيحافظ على شكل الجسم بعد مرحلة البلوغ.

طب دلوقتى عايزين نعرف ايه هى فوائد الهرمون دا طالما الجسم هو المسؤل عنه ؟
  الهرمون بيحتفظ  بنسبة الكالسيوم الموجودة فى جسم الإنسان .
  وبيساعد إن عملية حرق الدهون تتم بشكل سليم وفعال . 
  بيقوى جهاز المناعة .
  يعمل على نمو العضلات والعظام وتقويتهم.

طب ايه علاقة كلامنا دا بكمال الأجسام ؟
كلنا عارفين إن كمال الأجسام من الرياضات اللى هدفها  بناء العضلات وتضخيم حجمها وتنشيف الدهون وحرقها وبالتالى تكوين جسم رياضى ومنحوت وجسمنا بيفرز  عدد من الهرمونات أهمها هرمون النمو اللى زى ما قلنا بيقوى العضلات والعظام
لكن هوس بعض المراهقين بإبراز عضلاتهم بيخليهم يلجأوا إلى هرمونات ومنشطات صناعية زى هرمون النمو اللى بيضر الجسم 
على المدى البعيد .
Growth hormone for bodybuilding benefits and damage

طب دلوقتى عايزين نعرف إيه هى أضرار الهرمون ؟
لو المراهقين أخدوا الهرمون دا بدون أى داعى لإستخدامه بيأثر على صحتهم بالسلب وبيضرهم جدا :-
  العضلات بتزيد وبيحصلها تضخم  .
  ضغط الدم بيرتفع .
  صعوبة فى التحرك .
  فقدان الشهية .
  ألم فى الظهر , التعرق .
  زيادة الوزن ,ألم المفاصل .
  ألم العضلات .
  تورم اليدين والقدمين والساقين .
  صعوبة فى التركيز 
  صداع حاد , العصبية .
  الإكتئاب .

كدا عرفنا فوائد الهرمون وأضراره الخطيرة جدا اللى ممكن تؤدى إلى السكتة القلبية والموت المفاجىء بسبب زيادة الجهد على عضلة القلب والرئتين .

طب المفروض المراهق اللى عايز يكون عنده عضلات مفتولة وقوية يعمل ايه ؟
لازم نبعد عن أى هرمونات أو منشطات صناعية حتى لو مفعولها سريع علشان بتضر جسمنا , لازم نروح الجيم كل يوم ونمارس تمارين رياضية تقوى عضلاتنا وجسمنا .
Growth hormone for bodybuilding benefits and damage
التمارين الرياضة وسيلة بناء جسم قوى 

ليست هناك تعليقات
إرسال تعليق

إرسال تعليق

شكرا علي تعليقك

الاسمبريد إلكترونيرسالة