U3F1ZWV6ZTQ5NDQ2NDcxODk0X0FjdGl2YXRpb241NjAxNjAzMDM5MzU=

علاج النحافة نهائياً و أفضل الطرق لزيادة الوزن




دايما بنسمع الناس بيقولوا إن  كل مشكلة و ليها حل ، بس ده مش مجرد كلام الناس بتردده  كدة و بس لإن فعلا لو عرفنا إيه هي أسباب أي مشكلة بنعاني منها هنعرف نلاقي علاج وحل ليها.

المتعارف عليه إن أغلب الناس بتشتكي من زيادة الوزن و السِمنة المُفرطة فقط ، و لكن النحافة هي مشكلة موجودة و بيعاني منها ناس كتير و أحيانا مش بيلاقوا حل ليها و بتسبب ليهم أحيانا أمراض زي التعب و الإرهاق المستمر و عدم الثقة بشكلهم و مظهرههم لإن وزنهم بيكون أقل من المعدل الطبيعي و ده بيرجع لأسباب كتيرة منها إنهم مبيعرفوش سبب النحافة فبالتالي بيجربوا طرق و وصفات كتير لعلاجها و لكن للاسف مبيلاقوش نتيجة مرضية ليهم أو حل نهائي لعلاج النحافة لإنهم مجربوش يعرفوا إيه هو سبب المشكلة و طرق علاجها.

 بكده نكون عرفنا إيه هي الطريقة اللي هتساعدنا  إننا نعالج مشكلة النحافة ، أول خطوة هتكون معرفة أسباب المشكلة علشان نقدر نحدد طرق العلاج والحل و نبدأ في تنفيذها.

أول خطوة: معرفة أسباب النحافة


 النحافة ليها أسباب كتير منها أسباب ليها علاقة بأمراض زي الأنيميا و عوامل وراثية أو مشاكل في الجهاز الهضمي و بتسبب مشاكل كتير زي إنخفاض ضغط الدم ، جفاف البشرة ، ضعف الجسم وعدم قدرتة علي مقاومة الأمراض و حاجات تانية كتير.

مبدأيا علشان نقدر نعرف إيه هو سبب النحافة لازم نشوف هل في أسباب مرضية ولا لأ و ده هنعرفة لما نروح لدكتور و نعمل شوية تحاليل معينة زي:-




تحليل الغدة الدرقية Thyroid disorders:


-هنقدر من خلال التحليل ده نعرف هل في نشاط زيادة في الغدة ولا نشاطها معدله طبيعي و ده لإن النشاط الزيادة للغدة بيسبب حرق كبير للدهون و خسارة في الوزن و مشاكل تانية كتير.

تحليل صورة دم كاملة CBC و مخزون الحديد في الدم Ferritin:


-الإنيميا و مخزون الحديد في الدم من أكتر الأسباب اللي ليها تأثير علي نحافة الجسم و خسارة الوزن بشكل ملحوظ و فقدان الشهية و من أهم التحاليل اللي لازم نعملها علشان نتطمن علي صحتنا و إننا مش بنعاني من نقص حديد أو عندنا أنيميا.

تحليل Stool:


-وجود فطريات أو ديدان في المعدة بيقللوا إستفادتنا من الأكل ده غير إنهم بيتغذوا علي أكلنا و بيسببوا سوء هضم ، علاج مشكلة زي دي بيساهم بشكل كبير في حل مشكلة النحافة لإننا بكدة هنقدر نستفيد بالأكل بتاعنا كله و جسمنا يتغذي عليه و صحتنا تبقي أفضل.


علاج النحافة مترتب علي مجموعة عناصر مترابطة و متكاملة زي الأكل الصحي المتوازن ، علاج أي أمراض موجودة والتخلص منها و ممارسة تمارين رياضية مخصصة لعلاج النحافة و ده اللي هنتكلم عنه الفترة الجاية علشان نعالج معاكوا مشكلة النحافة نهائيا  خطوة بخطوة. 

ا
ليست هناك تعليقات
إرسال تعليق

إرسال تعليق

شكرا علي تعليقك

الاسمبريد إلكترونيرسالة