U3F1ZWV6ZTQ5NDQ2NDcxODk0X0FjdGl2YXRpb241NjAxNjAzMDM5MzU=

تمارين عضلات الكتف للمبتدئين


Exercises shoulder muscles for beginners


طبعا كلنا عارفين إن وجود أكتاف قوية ومميزة عندنا دا أكبر دليل على إمتلاكنا لياقة بدنية عالية وجسم رياضى صحى علشان كدا معظم المبتدئين بيحتاجوا يكبروا أكتافهم بكل الطرق وبممارسة تمارين كتير ممكن تكون فى أحيان كتيرة غلط , علشان كدا شامبيون إيجى خصص المقالة دى وهيشرح كل حاجة عن عضلة الكتف والتمارين الفعالة لتضخيم وتكبير عضلة الكتف .

Exercises shoulder muscles for beginners

لازم نعرف إن الكتف بينقسم لثلاث عضلات , عضلة أمامية وعضلة خلفية وعضلة جانبية والتمارين اللى هنشرحها دى هدفها انها تقوى عضلة الكتف كلها (الأمامية والخلفية والجانبية ).

1- تمرين كتف أمامى : يعتبر من أهم التمارين اللى المفروض يمارسها أى مبتدأ علشان التمرين بيقوى عضلات الأكتاف الأمامية
وفى التمرين دا بنشيل الوزن بتاعنا وزى ما إتكلمنا قبل كدا فى المقالات اللى فاتت إن الوزن لازم يكون تدريجى يعنى نبدأ بالخفيف ثم  نفرد الذراعين بشكل أوسع من مستوى الكتف وبعدين ننزل الوزن ونرفعه تانى ونكرر التمرين دا كتير جدا ورغم سهولته لكنه بيحقق نتائج عالية جدا لو إتنفذ صح  (نشيل الوزن - البار - وننزله عند الدقن كدا وبعدين نرفعه وهكذا).

2- تمرين الدفع الجانبى : يعتبر أيضا التمرين دا من أهم التمارين اللى المفروض يمارسها أى مبتدأ علشان التمرين دا مخصوص لعضلات الكتف الوسطى طب إزاى أمارس التمرين دا بطريقة فعالة ؟ هيكون عندى كرسى هقعد عليه وهفرض ظهرى تماما على الكرسى وهرفع الوزن الموجود فى إيدى بس هضم الذراعين أثناء الرفع وبعد كدا هنزل بالوزن وهكرر التمرين دا كذا مرة .

3- تمرين الرفرفة الجانبى : يعتبر من أهم التمارين اللى المفروض يمارسها أى مبتدأ علشان التمرين دا بيقوى عضلات الكتف الجانبية وفى التمرين دا بقف بس جسمى بيكون مستقيم وايدى جانبى وبشيل الوزن فى إيدى بس فى مستوى الكتف ولازم يكون تركيزى على عضلة الكتف وطبعا إحنا مش بنمارس التمرين مرة واحدة بنمارسه كتير .

4- تمرين الرفرفة الأمامية : التمرين دا موجه لعضلات الكتف الأمامية وفى التمرين دا بقف ويكون جسمى مستقيم ورجلى ملتصقة ببعضها وأرفع الوزن وأنزله تانى بس الرفع يكون فى مستوى الكتف وأكرر التمرين كذا مرة .

5- تمرين الرفرفة الخلفى : التمرين دا موجه لعضلات الكتف الخلفية والتمرين دا بيشبه تمرين الدفع الجانبى إنى بقعد على كرسى وبحنى ظهرى بحيث إنها تلمس الفخدين وبعدين بشيل وزنى وأرفعه كذا مرة .


Exercises shoulder muscles for beginners

شامبيون إيجى بيقدم لكم مجموعة من النصائح علشان تقوى عضلات الكتف :-
بلاش تشيل أوزان تقيلة على عضلة الصدر علشان دى من الأمور السلبية اللى بتأثر على الكتف , كمان ماينفعش تعمل تمارين الصدر مع تمارين الظهر , فى الأخر لازم التمرين يراعى المناطق الضعيفة فى جسمك علشان يكون فيه توازن بين عضلات الكتف الثلاث ,وفى الأخر متنساش تنشط عضلات جسمك أثناء ممارسة تمارين الكتف المختلفة.

Exercises shoulder muscles for beginners

معظم المبتدئين فى ممارسة تمارين تقوية عضلات الكتف لازم ياخدوا بالهم من عضلة الكتف الجانبية علشان تعتبر أكثر المناطق
تعرضا للإصابات والتمزقات وعلشان كدا لازم يمارس تمارين العضلة الجانبية على أجهزة رياضية .
 
ليست هناك تعليقات
إرسال تعليق

إرسال تعليق

شكرا علي تعليقك

الاسمبريد إلكترونيرسالة