أسباب إنحناء العمود الفقري و مشاكل الغضروف






آلام الظهرو إنحناء العمود الفقري أصبحت من أكتر المشاكل اللي بيعاني منها كتير من الناس واللي بتسببلهم آلام شديدة و مظهر غير صحي بالمره و ده بيرجع لأكتر من سبب منهم:

-الإجهاد والقلق والتوتر اللي بدوره بيسبب شد في العضلات و زيادة ألام الظهر

-تراكم الدهون في الظهر بسبب نقص هرمون ال Throxine

-إصابة فقرة أو أكتر من فقرات العمود الفقري بخلل





-تآكل الفقرات أو الغضاريف

-الجلوس لفترات طويلة بشكل مش صحيح

-عدم ممارسة التمارين الرياضية ورفع الأوزان الثقيلة بشكل خاطئ

-الملابس الضيقة الغير مناسبة لحجم الجسم

-عوامل وراثية بتؤثر علي شكل الجسم

-زيادة الوزن و سوء التغذية

-الإصابة بهشاشة العظام

معرفة أسباب إنحناء العمود الفقري و الآم الظهر هيساعدنا نتجنب و نخفف من آلآم الظهر، و لأن الوقاية خير من العلاج فمن الأفضل لينا إننا نعرف إزاي نحافظ علي فقرات ظهرنا من أي إنحناءات.

إزاي نحافظ علي فقرات الظهر من الإنحناءات؟


-التقدم في العمر مع عدم ممارسة تمارين رياضية بيؤدي لضعف العضلات و ظهور إنحناءات في الظهر فمن الافضل ممارسة الرياضة بشكل مستمر

-إتباع نظام صحي و تجنب الأكل اللي بيحتوي علي دهون ضاره و أملاح و شرب كميات كبيرة من المياه 

-تجنب الجلوس لفترات طويلة لإنه من مسببات الآم الظهر

-الإبتعاد عن القلق و التوتر لعدم شد العضلات و إرهاق الجسم 

بكده نكون عرفنا أغلب أسباب آلام و إنحناء الظهر علشان نقدر نتجنبها  و نحافظ علي جسمنا من التعرض لآلام الظهر و إنحناؤه.
google-playkhamsatmostaqltradent