U3F1ZWV6ZTQ5NDQ2NDcxODk0X0FjdGl2YXRpb241NjAxNjAzMDM5MzU=

نظام الكيتو دايت "كل ما تريد معرفته عن الكيتوجينك دايت"

Keto-Diet-System-نظام-الكيتو-دايت

ما هو " كيتو دايت " ؟ 


تخفيض مقدار الكربوهيدرات التي تدخل جسمك يضعك في حالة تسمى " الكيتوزية "
كما أنه وبدوره يحول الدهون إلى الكيتونات في الكبد
ما يزيد من إمدادات الطاقة إلى الدماغ .واضطراب الأعصاب
ويمكنه كذلك التخلص من الوزن الزائد بكفاءة مع الالتزام بممارسة الرياضة بانتظام


نظامين لاكتر نوعين يمشوا معانا  انهاردة بس تاخدو فكرة عن النظام وبيشتغل ازاي في الجسم


 الناس اللي وزنهم ثاابت وحرقهم ضعيف

من انجح الأنظمة اللي ثبتت فاعليتها بشكل كبير في الفترة الأخيرة ، وحقق نتائج هايلة جدااا في حالات كتير وخصوصا ، الناس اللي بتعاني من صعوبة الحرق أو معدل نزول وزنهم بطيء

فكرة نظام الكيتو دايت ؟


الفكرة كلها بتتلخص في اللعب بكمية الكارب وخداع الجسم، بمعني اني بسحب الكارب في أوقات معينه وبدخلها في أوقات تانيه ، فده بيخدع الجسم خصوصا لوكان فيه ثبات في الوزن ، وبيجبره علي الإتجاه لمخازن الدهون

اذكي حاجه في النظام ده هو أنه بيمنعه في وقت يجبر الجسم يروح لمخازن الدهون ، وبيدخله في وقت تاني علشان يلحق الجسم قبل ما يستهلك البروتين في الطاقه ، لأننا عارفين أنه في غياب الكارب اقرب حاجه الجسم بيروحلها هي البروتين.

وده من خلال انك في أيام الكارب العالي بتملي الكبد والعضلات بمخزون جيلوكوجين محترم ، يحمي جسمك من استهلاك العضلات ايام الكارب المنخفض ، وبالتالي جسمك هيحرق دهون وفي نفس الوقت محافظ علي العضل.

بيحسن حساسية الجسم للانسولين بشكل كبير، وده لان الجسم ايام الكارب المنخفض بيستهلك أي زيادة في سكر الدم وبالتالي سكر الدم متظبط يعني حساسيه الخلايا للانسولين عاليه.

أساس عمل دورة الكارب في الجسم ؟


اول سؤال هيجي في بالكم دلوقت ، هو طيب انا بناء علي ايه بسحب الكارب وبناء علي ايه برجعه للنظام تاني ؟؟

هو ده بقي اساس شغل دورة الكارب واللي بيتحكم فيها عوامل كتيره واللي هي

الهدف من اتباع نظام الكيتو دايت ؟


لو هدفك ضخامه بتزود الكارب بشكل كبير ، وده لانك محتاج تمليء مخزون العضلات من الجيلوكوجين

لو تنشيف ، ودي مرحلة بتبقي بعد الضخامه وبيقل فيها الكارب قليل جداا تقريبا 20%  من سعراتك والباقي بيبقي بروتين لانك محتاج تخسر الدهون اللي تم اكتسابها في فترة الضخامه

ايام التدريب والراحه ؟


وده بقي من اجمل واشهر أنماط النظام واللي فيه بتسحب الكارب اللي انت محتاجه طول الاسبوع وتقسمها علي أيام التمرين بنسبه 80% ايام التمرين و 20% ايام الراحه

مثال ، احتياج جسمك (حاصل ضرب وزنك × 2) واللي يطلع ×7 = احتياجك من الكارب طول الاسبوع ويتقسم حسب النسبه اللي قولناها

او انك تاخد الكارب في وجبات ايام التمرين وتمنعه في أيام الراحه

وعشان تحسب احتياج جسمك هنا " حساب احتياج جسمك من البروتين والكارب والدهون "

جدولة ايام الكارب ؟


وده معناه انك تقسم الاسبوع يومين كارب عالي ويومين متوسط ويومين منخفض
ايام الكارب العالي (هيتاخد في ال 3 وجبات الاساسيه )
ايام الكارب المتوسط (هيتاخد في وجبتين بس )
ايام الكارب المنخفض (هيتاخد من الفاكهه والخضار بس )

حسب نوع التمرين ؟


وده معناه انك ايام تمرين العضلات الكبيرة والتمارين عالية الكثافه هتاخد الكارب في وجبتين (قبل وبعد التمرين )
وايام العضلات الصغيره أو التمارين الخفيفه هتبقي وجبه واحدة بعد التمرين

حسب نسبه الدهون في الجسم ؟


تقدر تحسب دهون جسمك من هنا " اداه لحساب دهون الجسم "

وده لو نسبه الدهون في الجسم اعلي من 30% بتاخد الكارب منخفض(وجبة واحدة في اليوم ) ، ولما تنزل نسبه الدهون تحت ال 30% بزودها لمتوسط

افضل انواع الكارب سايكل ؟


هو نظام ايام التمرين والراحه (تعلي كارب في وجبتين ايام التمرين وجبة قبل وبعد , وتنزله في أيام الراحه )

نظام جدولة ايام الكارب ، وتمشيهم يومين كارب عالي ويومين منخفض ويومين متوسط ، وايام الكارب المنخفض بتاخده من الخضار والفاكهة بس

ملااااحظاااات


احنا اتفقنا أن الكارب مصدر الأساسي للطاقه وفي غيابه اقرب حاجه الجسم هيروحلها هي البروتين ، علشان كده في أيام اللي الكارب فيها هيبقي منخفض هتزود مكانه دهون صحيه علشان تكون بديلة الكارب في الطاقه

في جميع الايام سوء كارب عالي أو منخفض او متوسط نسبه البروتين ثابته اللي بيتحرك هو الدهون الصحيه

الكارب سايكل زيه زي اي اسلوب دايت محكوم بنسبه سعراتك وعلشان تلاقي معاه نتيجه ترضيك يفضل تكون حاسب سعراتك وماشي بيها

النظام ينفع لمين ؟


الناس الي وزنها ثابت بعد فترة التزام طويله ومش بتتحرك علي الميزان

الناس حرقها ضعيف بسبب قلة الحركه 

يعني أية cheat meal ؟


يعني وجبة خداع الجسم ، أو وجبة الفري "وجبه مش يوم" واللي فيها بتكسر روتين الأسبوعي للجسم في الاكل وبتدخله كم أكبر من المعتاد من الكارب والسكر ، ويتكون وجبة واحدة بس في اليوم ، ويفضل تكون الغداء..

يعني ايه كارب ؟


هي اختصار لكلمة كربوهيدرات ، وهي عبارة عن مركبات عضوية بتتكون من ذرات الكربون مع هيدروجين واوكسجين ، والكارب بأنواعه بيتحول في الجسم لجلوكوز في الدم وبيتم تخزينه في الكبد والعضلات علي شكل جلوكوجين ، يعتبر المصدر الاساسي للطاقه في الجسم


الكربوهيدرات الطبيعية وتوجد فى :


البطاطس - البطاطا- الارز - المكرونه
الشوفان يباع في كل السوبر وهو غني بالفيتامينات و البروتين أيضا و فطور ممتاز و يمكن تناوله بين الوجبات الرئيسية .

الكارب بينقسم لنوعين (كارب معقد وبسيط )

الكارب المعقد (النشويات)


هو نوع من انواع الكربوهيدرات واللي الجسم بياخد وقت طويل في هضمها وبما أنها هتتحول لسكر ، فمستوي السكر في الدم هيبقي معتدل ومش هيرفع بسرعه ، علشان كده هي الاختيار الأمثل في اي نظام دايت ناجح علشان تقدر تتحكم في مستوي السكر في الدم وبالتالي تتحكم في الجوع وبتبقي موجودة في

كل الحبوب الكامله زي القمح والشوفان والذرة الرز البني والمكرونه
الخضار زي البطاطس والبطاطا


الكارب البسيط (السكريات)


نوع من أنواع الكربوهيدرات وبيطلق عليه غالبا سكريات لأنه بيتكون من مجموعه من جزيئات السكر الجلوكوز ، بتتميز بسرعه هضمها وامتصاصها ، علشان كده بترفع مستوي السكر في الدم بشكل أسرع ، وبتتضهم أسرع يعني النتيجه الو اعتمدت عليها لوحدها في نظامك انك هتجوع أسرع وتستهلك سكر اكتر ، علشان كده هي اختيار مثالي كسناكس بين الوجبات  وبتبقي موجودة في
الفاكهه
الخضار
المصادر الطبيعيه للسكر

كل جرام كارب =4 سعر حراري

لو بتخس احتياجك منه هيبقي حاصل ضرب وزنك ×2= احتياجك اليومي من الكارب بالجرامات

لو بتتخني يبقي احتياجك منه هيبقي حاصل ضرب وزنك × 5= احتياجك اليومي من الكارب بالجرامات
العلاقه بين الكيتو دايت ومنع الكربوهيدرات

انتو طبعا عارفين أن أهم عنصر بيعتمد عليه الكيتو ، هو منع السكر بكل أنواعه وكذالك الكربوهيدرات ، والهدف من منعهم هو اني بمنع أهم سبب للجوع المستمر والشراهه في استهلاك السكر والكارب ، نظام الكيتو اعتماده علي أنه يقضي علي الجوع ويدخل للجسم احتياجه من العناصر الغذائية بشكل منظم وسليم

لاننا زي ما سبق وقولنا أن اي حاجه غير الدهون الصحيه والبروتين الجسم بيترجمهم لجلوكوز في الدم ، وكل استهلاكك من العنصرين دول ما يزيد الأنسولين بيعلي علشان يسيطر علي السكر في الدم ، لما نسبه السكر بتخرج عن السيطرة الأنسولين بيبدء يخزنه في الجسم علي شكل دهون وبكده يتحول من هرمون بناء لهرمون هدم

واحنا سبق وقولنا برضو أن منع الكربوهيدرات من النظام الغذائي بيضر الجسم بشكل عام وبياثر علي عمليه البناء العضلي بشكل خاص

وده لان الكارب هو مصدر الطاقه الأساسي في الجسم لما بمنعه ، الجسم بيبدء يدور علي اقرب مصدر يكسره ويحوله لطاقه والاقرب ليه البروتين ، فيقوم الجسم بتكسير البروتين الأحماض منفصله ويحولها لطاقه ، وبكده يبقي البروتين تم استهلاكه في مكان تاني خالص غير مكانه ومهمته الاساسيه واللي هي بناء الانسجه وخصوصا العضليه

طيب ازاي الكيتوجنيك من أنجح الانظمه في الحفاظ علي عملية البناء العضلي وازاي هو بيعتمد علي منع الكارب رغم خطورته ؟؟؟


كلمة السر في الموضوع كله في طريقه سحب الكارب من الجسم ، لان الكيتو زي ما بيعتمد علي منع الكارب والسكر ، فهو مش بيسحبهم من الجسم مرة واحدة تخليه يروح للبروتين ، لأنه لو اتسحب بشكل مفاجئ هيسبب الضرر اللي قولنا عليا فوق

يعني من الاخر كده ما ينفعش تقوم من النوم تدخل كيتو دايت علي طول ، الجسم بياخد وقت لحد ما يدخل في حالة الكيتوسيس وعلشان كده انتا بتسحبه علي مراحل ، يعني لو بتاخده في ال٣ وجبات خليهم اتنين وتيجي الاسبوع اللي بعده تخليهم واحده واللي بعده يتمنع خالص وهكذا

الفكرة التانيه في الكيتو واللي بتجنبك إخطار منع الكارب ، هي وجود بديل للطاقه علشان الجسم ما يروحش البروتين وافضل مصدر طاقه بديل الكارب هو (الدهون الصحيه ) يعني لازززم تتعامل مع الدهون علي انها مصدر طاقتك الأساسي وتاخد احتياجك منها كااامل

يعني كده خلاصه الموضوع أن الكيتو دايت من أنجح الانظمه بالرغم من أنه بيلغي الكارب وده علشان بيسحب الكارب من الجسم علي مراحل بتسمح للجسم يدخل في حالة الكيتوسيس ويتعود علي استخدام الدهون الصحيه كمصدر بديل للطاقه وبكدة هيوفر البروتين لمهمته الاساسيه في بناء الانسجه

لكن لو منعت الكارب فجاءة ، هتعرض جسمك لخطر منع الكارب واستهلاك البروتين في غير مكانه ومهمته الأساسية


وعشان تفهم اكتر عن طريقه عمل جسمك لحرق الدهون انصجك بقرائه المقال ده 

" كيف تخسر دهون وليس عضلات " استخدام مصادر الطاقه في جسم الانسان لحرق الدهون "

ليست هناك تعليقات
إرسال تعليق

إرسال تعليق

شكرا علي تعليقك

الاسمبريد إلكترونيرسالة