U3F1ZWV6ZTQ5NDQ2NDcxODk0X0FjdGl2YXRpb241NjAxNjAzMDM5MzU=

بطلت تتمرن، تخنت ولا خسيت؟



            متوقفش تمرين قبل ما تسأل نفسك                          هتتخن ولا هتخس! 

لو بتفكر دايما إنك خايف تبدأ تتمرن علشان لو بطلت تمرين وزنك هيزيد و جسمك هيكتسب دهون زيادة بسبب الكلام الغلط اللي الناس بتردده و منتشر عن الموضوع ده، المقال ده ليك و للناس اللي بتخاف تتمرن علشان لو وقفت تمرين و مبقتش تلعب رياضة هتتخن و الكتلة العضلية هتتحول لدهون.

-في كلام غلط منتشر بين الناس عن علاقة توقفك عن ممارسة الرياضة وزيادة الوزن و إكتساب الدهون، ولكن في الأول محتاجين نجاوب علي بعض الأسالة اللي هتخلينا نعرف هل الكلام ده صح ولا لأ؟

-هل التوقف عن ممارسة التمارين الرياضية له علاقة بزيادة الوزن و إكتساب دهون زيادة؟



-إتكلمنا قبل كده علي إن تضخيم العضلات و تحسين شكل الجسم و ممارسة الرياضة بشكل عام هي عملية متكاملة و بتتكون من أكتر من عنصر و كل واحد فيهم بيعتمد علي التاني بشكل أساسي لإننا بنحتاج تغذية سليمة متكاملة بنسبة 70% تقريبا و ممارستنا للتمارين الرياضية بتمثل حوالي 30% من عملية تحسين شكل الجسم و العضلات، طبعا ده غير العوامل التانية اللي وجودها بيأثر علي صحة الإنسان و بتساعد في تحقيق نتائج مرضية مع ممارسة التمارين الرياضية و هي النوم الجيد، شرب المياه، الإبتعاد عن الضغط النفسي و التدخين و شرب المياه الغازية.

-السبب الرئيسي في زيادة الوزن لما بنبطل نتمرن هو إننا مبنلتزمش بنظام غذائي صحي والكتلة العضلية اللي كانت موجودة هتتبدل و تقل مع زيادة الدهون اللي بتتكون و بتحيط بالكتلة العضلية.

إزاي نحافظ علي جسمنا بعد ما نبطل تمرين؟



-كلمة السر دايما هي الأكل الصحي المتوازن، لو مبقتش تتمرن و مش متبع نظام غذائي مفيد لجسمك مع تبطيل التمارين الرياضية النتيجة هتكون إن وزنك هيزيد بس المره دي مش هيزيد عضل زي الأول و لكن هيزيد دهون و العضلات هتبدأ تختفي لإن الدهون هتحيط بيها و تقلل وجودها بالتدريج و لو حظك كويس و الكتلة العضلية عندك ضخمة فالدهون نسبتها مش هتكون كبيرة ولكن لازم تعرف إن كل ما الوقت ما بيعدي من غير تمرين و إتباع نظام غذائي جسمك بيتملي دهون ووزنك بيزيد أكتر و أكتر وشكل جسمك بيتغير تماما.

-النظام الغذائي المتوازن بيساعد الجسم علي أداء التمارين بفاعلية أكبر و تحقيق النتائج أسرع سواء كان هدفك إنك عايز تخس أو عايز تزود الكتلة العضلية عندك فالمؤثر الرئيسي هيكون النظام الغذائي المتكامل لإنه بيبني العضلات من جديد في عملية الإستشفاء بعد هدمها في التمرين و من غيره التمرين مش هيكون ليه فاعلية و مش هيحقق نتائج مرضية ليك و ده سبب من أسباب إن ناس بتشتكي إنها بتتمرن بقالها كتير ولكن من غير نتيجة.

-و الطريقة الأفضل اللي ممكن نتبعها في حالة عدم ممارسة التمارين الرياضية هي الإلتزام بنظام غذائي متوازن و معرفة إحتياج الجسم من البروتين، الكربوهيدرات، الدهون الصحية، التنويع في العناصر الغذائية و الحفاظ علي السعرات الحرارية.

-لو عايز تخس أو تضخم عضلاتك التمرين لوحده مش كفاية وكمان النظام الغذائي لوحده مش كفاية لازم يكون في تكامل و توازن بين العنصرين لتحقيق نتائج مرضية ولو عايز تبطل تتمرن من غير ما جسمك يرجع يتخن تاني يبقي لازم تحافظ علي أكلك وتلتزم بنظام و أكل صحي و بكده هتقدر علي الأقل متكتسبش دهون زيادة و تحافظ علي وزنك و شكل جسمك.
ليست هناك تعليقات
إرسال تعليق

إرسال تعليق

شكرا علي تعليقك

الاسمبريد إلكترونيرسالة