U3F1ZWV6ZTQ5NDQ2NDcxODk0X0FjdGl2YXRpb241NjAxNjAzMDM5MzU=

أفضل التمارين الرياضية للقضاء علي النحافة

أفضل اللتمارين الرياضية للقضاء علي النحافة
أفضل اللتمارين الرياضية للقضاء علي النحافة


إتكلمنا معاكم قبل كده عن مشكلة النحافة و أسبابها إزاي نقدر نتغلب عليها و نعالجها ، تقدروا تشوفوا المقال كامل من هنا:

علاج النحافه نهائيا وافضل الطرق لزيادة الوزن


بعد ما نعمل التحاليل اللي ذكرناها  ليكم و معرفة سبب النحافة هل هي مشكلة مرضية و محتاجة علاج و لا سببها وراثي و أيا كان سبب المشكلة خطوات علاجها لازم يكون فيها نظام أكل صحي متوازن و برنامج تدريبي يساعد علي زيادة الوزن.

لازم يكون فيه برنامج تدريبي علشان لو إهتمينا بالعلاج و الأكل بس جسمنا من الممكن إنه ميتخنش لأن التمارين الرياضية مع الأكل بتساعد العضلات إنها تمتص الغذاء وتنظم معدل حرق السعرات الحرارية في الجسم.

بعد أول خطوة وهي معرفة سبب النحافة هنبدأ في الخطوة الثانية و هي التمارين الرياضية المناسبة للنحافة و زيادة الوزن من خلالها.

أفضل النصائح للتمارين الخاصة بالنحافة:


-التمرين من الأفضل يكون 3 أيام في الأسبوع و يفضل إنه يبقي بعد الفطار أو الغداء بساعة

-الإهتمام بتمارين الإحماء قبل التمرين هنمارسها لمدة 10 دقائق زي الكارديو"الجري ، السباحة ، نط الحبل" لتهيئ العضلات و تزويدها بالطاقة اللازمة علشان تتحمل الجهد المبذول في التمرين

-الأوزان دورها مهم جدا في زيادة الكتلة العضلية و زيادة الوزن

-الإهتمام بشرب المياه بكثره لتعويض السوائل اللي بيفقدها الجسم

-الأكل بيكون بعد التمرين مباشرة أو بعد وجبة الفطار و تجنب الأكل وسط التمرين تماما و الإكتفاء بشرب المياه فقط

-التمرين هيكون 3 أيام في الأسبوع هنهتم بتمرين عضلة كبيرة مع عضلة صغيرة كل مرة هنتمرن فيها

-التمرين هيكون 4 مجموعات كل مجموعة هتتكون من 10 عدات

-الإهتمام بالأكل الصحي و الكربوهيدرات زي "الرز ، المكرونة ، البطاطس ، البطاطا و الشوفان " يكون معدلها أكتر من المعتاد في نظامنا الغذائي و نقلل من الأكل الضار بصحتنا و المشروبات الغازية والكافيين




-بعد التمرين مباشرة العضلات بتكون محتاجة وجبة صحية فيها بروتين و كربوهيدرات صحية علشان تتغذي و تتبني من جديد 

-عدم الإستعجال علي تحقيق النتائج  علشان منحسش بإحباط لإن زيادة الوزن الصحية بتكون حوالي كيلو واحد في الأسبوع و حوالي أربعة كيلو في الشهر


علاج النحافة بيتطلب مننا الإلتزام بكل خطوة من خطوات علاج المشكلة و عدم إهمال أي خطوة أو التقليل من أهميتها لإن أكل صحي بدون تمارين رياضية أو العكس مش هيكون كافي علشان نقدر نتغلب علي النحافة و تحقيق نتائج مرضية لينا.
ليست هناك تعليقات
إرسال تعليق

إرسال تعليق

شكرا علي تعليقك

الاسمبريد إلكترونيرسالة