U3F1ZWV6ZTQ5NDQ2NDcxODk0X0FjdGl2YXRpb241NjAxNjAzMDM5MzU=

7 جنية فقط هيقضوا علي نقص فيتامين ب12


كل فيتامين موجود بيكون ليه أثار علي صحتنا وجسمنا و بالتالي نقصه بيأثر علينا بشكل كبير و ملحوظ ، لو فاكرين إن ممارسة التمارين الرياضية لوحدها كفاية علشان نحقق الشكل اللي إحنا عايزينة نبقي غلطانين و لازم نكون عارفين إن الرياضة منظومة متكاملة و معتمدة علي بعض ولو عايزين نحقق أهدافنا والحصول علي صحة وجسم زي ما بنتمني لازم نحافظ علي نظام أكل صحي غني بالعناصر اللازمة لجسمنا زي البروتينات والدهون الصحية و الفيتامينات اللازمة لبناء العضلات و المحافظة علي صحتنا.
زي ما أتكلمنا معاكم قبل كده عن أفضل و أرخص الفيتامينات المفيدة لجسمنا هنتكلم النهاردة عن فيتامين وجوده مهم جدا للصحة والجسم و هو فيتامين ب 12 و إزاي نعوض نقصة في الجسم بدون أضرار.


فيتامين ب 12 من أشهر الفيتامينات واللي ليه فوائد كتير جدا علي جسمنا زي:


1-الحفاظ علي صحة القلب و الشرايين
2-المساعدة علي تحسين أداء الجهاز المناعي
3-زيادة إنتاج كرات الدم الحمراء
4-الحفاظ علي النخاع العظمي
5-المساعدة في بناء و نمو الأنسجة
6-تكوين الهيموجلوبين في كرات الدم الحمراء
7-تقوية الأعصاب


تأثير نقص فيتامين "ب 12" علي الجسم:

1-قلة التركيز والشعور بالأرق
2-خلل في إنتظام ضربات القلب
3-نقص فيتامين ب12 بيؤدي إلي الأنيميا
4-تضخم كرات الدم الحمراء


-فيتامين ب12 موجود في أكل كثير زي:

 -منتجات اﻻلبان
-اللحوم الحمراء
-الأسماك"التونة والجمبري"
-الكبدة والبيض




إزاي نعوض نقص فيتامين ب12 في الجسم:


-أمبولات ديبوفيت ب12 بتساعد علي تعويض نقص فيتامين ب12 من الجسم
-بتساعد علي تجديد و بناء اﻻنسجة  
-قوة التركيز والنشاط الذهني 
-زيادة النشاط
-التغلب علي الانيميا الموجودة في الجسم
-إستعاده الحيوية و النشاط
-تقوية الاعصاب


الجرعة:

في حالة نقص فيتامين ب12 الشديدة في الجسم بينصح بأخذ أمبولة واحدة كل يوم في العضل لفترة من أسبوع لأسبوعين  ثم أمبولة واحدة من شهرين لثلاث شهور وينصح بإتباع نصائح الطبيب المختص و الإلتزام بالجرعة المحددة.


اﻻعراض الجانبية:


ديبوفيت ب12 هو آمن في اللستخدام و عادة مفيش أعراض جانبية ليه ولكن نادرا ممكن يسبب حساسية جلدية أو حكة و من الأفضل طبعا إستشارة الطبيب المختص قبل إستخدامة.


سعر ديبوفيت ب12:


سعر أمبولات حقن ديبوفيت ب12 هو 35 جنية مصري و أمبولات ديبوفيت ب12 هو 7 جنية مصري تقريبا وهي أسعار مناسبة و في المتناول.

-من الأفضل طبعا تعويض نقص أي فيتامين من الاكل الطبيعي الصحي ولكن في الحالات اللي بتعاني من نقص شديد في فيتامين معين من جسمها بيتم تعويضة بشكل تاني و ده طبعا لازم يتم تحت إشراف الطبيب المختص علشان نعرف إيه هو المناسب لينا و عدم تعريض صحتنا للخطر.
ليست هناك تعليقات
إرسال تعليق

إرسال تعليق

شكرا علي تعليقك

الاسمبريد إلكترونيرسالة