U3F1ZWV6ZTQ5NDQ2NDcxODk0X0FjdGl2YXRpb241NjAxNjAzMDM5MzU=

الأخطاء الشائعة في عالم كمال الأجسام للمبتدئين




أي حاجة جديدة بنبدأ فيها بتتطلب مننا نكون عارفين معلومات عنها علشان تساعدنا في فهمها و تحقيق نتائج فيها ، رياضة كمال الأجسام من الرياضات اللي لازم نكون فاهمين و عارفين معلومات عنها علشان نتجنب الإصابات في بداية ممارستها و المعلومات الغلط اللي بنسمعها من أي حد و ممكن تتسبب في عدم تحقيق الشكل اللي إحنا عايزين نوصل ليه.

إيه هي أشهر الأخطاء في عالم كمال الأجسام؟ 



العشوائية في التمرين:


ناس كتير بيبقوا بيلعبوا لفترة مش قليلة أول ما يبدأوا ممارسة رياضة كمال الأجسام و بيشيلوا أوزان تقيلة ولكن مش بيلاقوا أي نتيجة ظهرت و عضلاتهم لسه  زي ما هي و بيشتكوا إنهم بيشيلوا أوزان كتير بس مفيش تأثير ، السبب في عدم تضخم العضلات رغم إنهم بيشيلوا أوزان تقيلة هي العشوائية لإن ممارسة رياضة كمال الأجسام من غير ما يكون في برنامج هيتبعوه هي أسوأ حاجة بيعملوها لجسمهم و بتخلي العضلات تنمو ببطئ علي العكس لو إتبعوا برنامج تدريبي سواء هما اللي محددينة أو تحت إشراف مدرب هيكون أفضل بكتير و هيسرع من نمو العضلات و تحسن شكل الجسم.




ممارسة التمارين يوميا:


 ممارسة التمارين كل يوم بيضر العضلة و بينهكها أكتر ما بيفيدها لإن العضلة بتنمو خلال فترات الراحة أثناء عملية الإستشفاء و تمرين العضلة كل يوم بيهدم الأنسجة العضلية الضعيفة فلازم يكون فيه فترة راحة علشان يتم بنائها من جديد ويكون في يوم أو يومين راحة بين كل تمرين لعضلة معينة في الجسم و كل شهرين أو تلاتة يكون في أسبوع كامل للإستشفاء و إستعادة النظام العصبي بالكامل و تقوية جهاز المناعة.




عدم التدرج في الأوزان:


في بداية التمرين الحماس بيكون مسيطر علي اللاعب و بيبقي عايز يشيل أوزان تقيلة في الأول من غير ما يبدأ بأوزان خفيفة علي الرغم إن المفروض نتدرج في شيل الأوزان و كل ما نحس إن الوزن بقي خفيف نزود الوزن علشان نساعد عضلات الجسم إنها تكبر و تتشد. 




 المكملات الغذائية بتكمل اللي ناقص من أكلنا وفي حالة إننا أهتمينا بأكلنا و بقي فيه كل العناصر الغذائية اللازمة اللي محتاجها الجسم يبقي مش هنحتاج أي مكملات غذائية و لازم نخلي جسمنا يبني نفسه بنفسه من خلال الأكل الطبيعي الصحي المتوازن. 



تجاهل أهمية تمارين الإحماء و الإطالة: 


تمارين الإحماء بتساعد و بتهئ العضلة للمجهود البدني الكبير اللي هيتم و بتزود من مرونتها و قوتها و بتساعد في تنشيط الدورة الدموية و قدرتها علي التحمل و عدم ممارستها ممكن يعرض اللاعب لإصابات و شد عضلي فمن الحاجات المهمة ممارستها قبل التمرين لمدة 10 دقائق.


إستعجال النتائج بيخلينا دايما نحس بإحباط و عدم الرضي عن شكل جسمنا و عضلاتنا ، بناء العضلات و الحصول علي شكل جسم متناسق بيحتاج مجهود و صبر و المحافظة علي نظام غذائي صحي و أي عنصر هينقص هيأجل من تقدمنا في اللعبة و تحقيق أهدافنا و الشكل اللي بنتمناه.



ليست هناك تعليقات
إرسال تعليق

إرسال تعليق

شكرا علي تعليقك

الاسمبريد إلكترونيرسالة