فوائد "الكولاجين" بروتين الجمال ؟
من أهم البروتينات المهمة والمفيدة للجسم بشكل عام و لصحة السيدات بشكل خاص هي الكولاجين لإن ليه أدوار كتير بيقوم بيها زي المحافظة علي الجلد من علامات التقدم بالسن والتجاعيد لإنه بيحفز الأوعية الدموية و بيمد الجلد بالمرونة، الحيوية، القوة و كمان بيحافظ علي شكل الأظافر وقوتها بالإضافة لبناء و ترميم العظام، الغضاريف و الأوتار.
الكولاجين بيمثل 30% تقريبا من البروتين الموجود في جسم الإنسان و 70% من تكوين البشرة والجلد و لية أهمية كبيرة في الحفاظ علي صحة البشرة وحمايتها من التجاعيد.
أهمية الكولاجين للجسم:
حماية الجسم من هشاشة العظام:
هشاشة العظام مرض بيصيب الرجال والسيدات ولكن النسبة الأكبر بتكون من نصيب السيدات، بروتين الكولاجين بيساعد في تقوية العظام و ترميمها مع تناول الكالسيوم و الحفاظ علي أكل صحي متكامل.
تحفيز الأوعية الدموية و تقوية المناعة:
نقص الكولاجين بيسبب حدوث قصور في القلب و الأوعية الدموية و من اللازم إننا نتناول الكولاجين و نعوض نقصة في الجسم لتحسين أداء القلب و تقوية المناعة.
حماية الأسنان والحفاظ علي اللثة:
ضعف الاسنان و مشاكل اللثة من أكتر الحاجات اللي بنسمع الناس بتشتكي منها و نقص الكولاجين بيكون سبب في ضعف الأسنان لإنه مكون مهم بيساعد في بناء الاسنان وتكوينها و تعويض النقص بيساعد في بقاء الأسنان و اللثة بصوره أفضل.
المحافظة علي الأظافر:
سيدات كتير بتعاني من تكسر و ضعف الأظافر، الكولاجين هيقدر يساعد أي سيدة إنها ترجع قوة و جمال أظافرها والمحافظة عليهم مع الإستمرار في اخذ بروتين الكولاجين.
خسارة الوزن:
الكولاجين بيتم إستخدامة في خسارة الوزن و ده بيكون عن طريق إستخدام بروتين الكولاجين مع إتباع نظام غذائي والإستمرار في ممارسة التمارين الرياضية و بيكون ليه تأثير فعال في المساعدة علي إنقاص الوزن.
أسباب نقص بروتين الكولاجين:
- تغير الهرمونات عند السيدات
- التدخين وشرب المياه الغازية والكافيين بالإضافة للسهر وعدم أخذ وقت كافي للنوم
- تعرض البشرة لأشعة الشمس الضارة
- التقدم في العمر بسبب نقص بروتين الكولاجين
بدائل طبيعية من الأكل للكولاجين:
الطماطم والبطاطا والتوت والاسماك بتحتوي علي نسبة عالية من الكولاجين بالإضافة للخضروات الخضراء والجزر والفراولة لإحتوائهم علي فيتامين أ و فيتامين ج واللي بدورهم بيساعدوا علي إمتصاص الكولاجين.
يعتبرالكولاجين هو البروتين الأهم لأي سيدة بتهتم بجمالها وصحتها و عايزه تحافظ عليهم.