بما أن كلها ايام قليله ونستقبل شهر رمضان ، فأكيد هيبدأ دماغك يشتغل ويفكر في كذا حاجه ، زي مثلا " هل فعلا ممكن أخس في رمضان " ودا كلمناك عنه في المقال دي وعرضنا كذا نظام دايت تقدر تتبعه وتخس فعلا لو أنت عاوز تخس ، الي جانب أنك ممكن تفكر وتقول " هل أقدر أتناول منشطات والفيتامينات بتاعي عادي في رمضان ولا دا صعب جداا ؟؟ " ، ودا اللي جايين نكلمك عنه في المقاله دي ، وأنتظرنا في المقالات الجايه هنكلمك عن باقي الاسئله اللي محيراك زي " الإفطار الصحي في رمضان ! " و " أمتي تتدرب قبل الاذان ولا بعده ؟ ، وغيرهم كتير أوووي .
_ طيب قبل ما نجاوبك علي تفكيرك المهم جدا ، هنعرفك فوايد الصيام ليك بشكل عام علي صحتك وهما كذا فايده :
1_ هيبطئ عملية الشيخوخه عندك .
2_ هيزيل السموم من جسمك .
3_ هيحسن من نسبة دهنيات الدم ومستوي الكوليسترول .
4_ هيخفض من أمراض القلب والأوعيه الدمويه .
زي ما الصيام له فوايد كتيرة جسمك ، هو بالتأكيد له أثار سلبيه عليك كللاعب كمال أجسام وهما :
1_ هيسبب ليك الجفاف .
2_ هيسبب ليك الشعور بالكسل المتواصل وفقدان القوه .
3_ هيبطئ عمليات الأيض الخاصه بيك .
4_ تركيزك هيكون منخفض جداا وهتصاب بالصداع أغلب الوقت .
بس بالتأكيد الاثار دي بتكون وقت صيامك بس وأول ما بتفطر بتستعيد وقتك من تاني وتقدر تمارس تمارينك بشكل طبيعي ، اما بالنسبه لتناول المنشطات في رمضان فينفع تتناولها ولا لا :
بشكل عام مينفعش تتناول منشطات عشان ليها أضرار كتيره جدا علي صحتك ولازم تتابع مع دكتور قبل ما تاخدها ، بس لو بتاخدها ومحتار هتعمل ايه في رمضان فأقرا الكلام دا كويس :
أولا : أنت مش محتاج تاخدها في رمضان أبدا ، لأن الصيام هينضف جسمك من السموم وهيساعدك بشكل كبير ويقدم معظم الفوايد اللي بتقدمها ليك المنشطات .
ثانيا : لو كنت داخل علي بطولات ومضطر أنك تاخدها ، فبالتأكيد لازم تاخدها بس لازم تبعد عن المنشطات ذو الصفات الأندروجينيه لأنها مع الصيام هتعلي عندك نسبه العصبيه جدا وهتخليك مزاجي أكتر وبتميل للعدوانيه طول الوقت .
ثالثا : أفضل المنشطات اللي هتساعدك في رمضان وتحافظ علي الكتله العضليه هو ( هرمون النمو وهتقدر تاخده بعد تمارينك وبلاش بعد الفطار مباشره )
وبشكل عام نقدر نقول أن الصيام هيساعدك بشكل كبير كبطل كمال اجسام وهيحافظ علي جسمك من اي سموم ، بس لو مضطر للمنشطات بلاش تاخدها بعد الفطار مباشره وأستني بعد تمارينك وأتناولها وركز بس علي هرمون النمو وابعد عن الباقيين طول رمضان وبعده ارجع براحتك .
شكرا علي تعليقك