حساب احتياجك من السعرات الحرارية اليومي والميكرو للبروتين والكارب والدهون

ابطال كتير من الشامبيون ايجي بيحاولوا يخسوا أو ينشفوا من غير "حساب احتياجهم من السعرات الحرارية"
 واكتر ميعرفوش الفرق بين التنشيف والتخسيس بس النهارده هنركز بطريقه بسيطه تخليك تحسب لنفسك السعرات الحراريه اللي هتكون محتاجها وده هيكون كفيل انك تصنع لنفسك نظام غذائي يناسبك ويناسب يومك ويمشي مع هدفك

حساب السعرات الحرارية
حساب السعرات الحرارية


اولا هنتكلم عن التنشيف والتخسيس "التنحيف"


التنحيف وده بيخليك تنزل من جسمك كله سواء دهون او عضلات واللي بيحتاج التنحيف بيكون الناس اللي عندهم سمنة مفرطة ووزنهم عالي

أما التنشيف بيكون نوعين

النوع الأول
 وهو الإنسان العادي بيحط نفسه تحت ضغط متوسط عشان يوصل لهدف اسرع ونزول الدهون وزيادة الحجم العضلي

النوع الثاني
 بيكون الابطال اللي بتنزل بطولات ومباريات شبه كمال الأجسام والفيزك والفتنس الناس دي بتحط نفسها تحت ضغط رهيب يقدر أن الدهون توصل في الجسم 5% او 6 % والكبير يكون 10%

احنا مش هنتكلم عن الابطال اللي بتحضر للبطولات بس هنتكلم عن الشخص العادي اللي حابب ينزل من وزنه او ينشف جسمه


 كده احنا عرفنا الفرق بين التنشيف والتنحيف "التخسيس"
و دلوقتي نتكلم عن اهمية انك تكون عارف تحسب السعرات الحرارية التي يحتاجها جسمك في اليوم عشان ده هيفيدك انك تقدر تنزل من وزنك او تنشف بالجرام وتكون دقيق جدا
كتير ناس بتاكل اكل صحي بس مبتوصلش للنتيجه اللي محتاجها وده بسبب قلة الدراية بالسعرات الحرارية وطريقة التحكم بها في جسمك


حساب السعرات الحرارية
حساب السعرات الحرارية

 طريقة حساب السعرات الحراريه : 


اول نقطه توزن نفسك وتمشي على الحسبه دي بالظبط

 (الوزن * 2.2)= الوزن بالباوند

 كده انت جبت وزنك بالباوند تاخده وتضربه في معدل المجهود من 12 الي 15 بحيث ان 12 بيمثل أن الحركة شبه معدومة و15 بيمثل ان الحركه قويه جدا من عمل شاق الرياضة 7 أيام في الأسبوع

 (الوزن بالباوند *12 إلي 15)= احتياجك من السعرات تقريبا

نفترض دلوقتي انك 70 كج نطبق الكلام ده مع بعض هيكون

 70*2.2= 154 الوزن بالباوند

 ونكمل 154*13.5= 2.079 تقريبا 2000

 وده احتياجنا من السعرات الحرارية اليومية ازاي نقسمه
 اشهر تقسيمه هي 40% بروتين 40% كارب 20% دهون

هناخد 2000 ونقسمهم

2000 * 0.40= 800 بروتين
2000* 0.40= 800 كارب
2000* 0.20= 200 دهون

طب عشان احول السعرات الحرارية دي بقا للجرام سهل جدا بس لازم تفهم نقطة وتحفظها كويس
كل جرام بروتين = 4 سعرات
كل جرام كارب = 4 سعرات
كل جرام دهون = 9 سعرات

حساب السعرات الحرارية
حساب السعرات الحرارية


ناخد 800 البروتين ونقسمهم على 4 وهكذا

800 / 4 = 200 جرام بروتين
800 / 4 = 200 جرام كارب
200 / 9 = 22 جرام دهون

وكده انت عرفت جسمك محتاج ايه طول اليوم

طب عشان اخس اجيب المجموع (2000) بتاع البداية وانزل منه 200 الى 400 على حسب الوقت والخطه اللي انت حاطتها
وبردك بتغير من النسب بتاعت
 40 % 40% 20%
على حسب احتياجك وكده اكون بكل بساطه عرفتك ازاي احسب سعرات وتنشف او تزيد او تخس وانت مطمن

مش محتاج منكم اي شئ غير دعوه حلوه ولو ليك اي سؤال سيبه في تعليق في تعليقات الموقع
يومكم جميل يا شامبيون

ويمكنك الحساب ايضا من تلك الاداه بطريقه بسيطه  " اداه لحساب السعرات الحراريه اليوميه "
author-img
Mohamed A Mabrok

تعليقات

11 تعليقًا
إرسال تعليق
  • Unknown photo
    Unknown25 يوليو 2018 في 11:22 ص

    بعد اذنك انا 88 كيلو ممكن اعرف انا هاكل ايه علشان مليش في الحساب

    حذف التعليق
    • Champions Eg photo
      Champions Eg25 يوليو 2018 في 12:43 م

      هتكون محتاج تقريبا 2500 سعره
      250 جرام بروتين للتخسيس 200
      250 جرام كارب للتخسيس 200
      55 جرام دهون صحيه للتخسيس 35

      حذف التعليق
      • Champions Eg photo
        Champions Eg25 يوليو 2018 في 12:45 م

        طبعا لنتيجه دقيقه الرجاء اخباري الوزن الطول العمر والهدف والمده

        وتحت امرك دائما

        حذف التعليق
      • Unknown photo
        Unknown9 أكتوبر 2018 في 10:50 م

        طيب حضرتك انا طوالي ١٨٢سم ووزني ٩٦ك وعين انشف ومش عارف امشي على نظام غذاءي يتناسب معايه

        حذف التعليق
      • Unknown photo
        Unknown18 نوفمبر 2018 في 1:39 ص

        اذا انا بحتاج ٩٠ غرام بروتين يوميا وكل ١٠٠ غرام صدر جاج فيه ٣٠ غرام بروتين... هل هذا يعني اني لازم اكل ٣٠٠ غرام صدر جاج عشان احصل ٩٠ غرام بروتين واذا كان كذلك هل هذا يعني زيادة في السعرات الحرارية؟

        حذف التعليق
        • Mohamed A Mabrok photo
          Mohamed A Mabrok18 نوفمبر 2018 في 11:45 ص

          اتمنا اكون فهمت سؤالك صح . لما بنزود السعرات الحراريه في المجموع في الاول بنحصل علي سعرات اعلي وعند التقليل بيحصل العكس

          حذف التعليق
        • غير معرف19 نوفمبر 2018 في 10:54 ص

          حضرتك انا وزنى 66 كيلو وطولى 171 سم وسنى 31 سنه وعملت تحليل in body لقيت نسبه الدهون فى جسمى 18.5% وعايز اقلل نسبه الدهون فى جسمى ل 12% وانا بلعب جيم حاليا وفى نفس الوقت مش عايز أخسر عضل

          حذف التعليق
        • محمد20 أبريل 2020 في 7:38 م

          السلام عليكم اخوي انا طولي 164 ووزني 63 ابي اخسر دهون للتنشيف لظهور عضلات البطن ماهو احتياجي من البروتين والكارب هيدرات والدهون

          حذف التعليق
          google-playkhamsatmostaqltradent