U3F1ZWV6ZTQ5NDQ2NDcxODk0X0FjdGl2YXRpb241NjAxNjAzMDM5MzU=

محمد صلاح و بناء العضلات



الإهتمام باللياقة البدنية و بصحه و شكل الجسم أصبح من الحاجات المهمة لكتير من اللاعبين الموجودين حاليا.

الإعتماد علي المهارة فقط مش كفاية للإستمرار علي نفس المستوي و الأداء، و لضمان الأداء بشكل قوي من المهم الإهتمام بالجسم و ممارسة التمارين الرياضية و إتباع نظام غذائي صحي.




أكبر مثال للإهتمام باللياقة البدنية و شكل الجسم هو محمد صلاح لاعب ليفربول الإنجليزي والمنتخب المصري، محمد صلاح مستمر في لفت إنتباه متابعيه من خلال نشر صور جديده له بإستمرار علي حساباته علي مواقع التواصل الإجتماعي و اللي بتظهر مدي إهتمامه بلياقتة البدنية و شكل جسمه الفترة الأخيرة.


بالمقارنة بين تأثير إهتمام محمد صلاح بلياقته البدنية والكتلة العضلية لجسمه حاليا و لياقته أثناء لعبه في نادي بازل وهو أول نادي لعب له في أوروبا هنلاحظ فرق كبير، أولا جسم محمد صلاح كان ضعيف إلي حدا ما و كان بيتجنب الإلتحامات الجسدية مع اللاعبين داخل الملعب لكن حاليا بيدخل في إلتحامات مع لاعبين بيتفوقو عليه في الحجم والكتلة العضلية و بيكسب في الإلتحامات بشكل ملحوظ نتيجة للياقة البدنية الكبيرة اللي وصل ليها من خلال التمرينات الرياضية و إهتمامه بلياقتة.




التغذية السليمة والصحية للاعبي كرة القدم تعتبر من أهم عوامل نجاحهم وتفوقهم في الملعب، لأنها لها تأثير كبير على أدائهم الرياضي.

من المعروف إن أي شئ بياكله أو بيشربه الشخص الرياضي و خاصة لاعب كرة القدم بيأثر بشكل كبير علي جسمه و أدائة في المباريات.

 إزاي بيحافظ اللاعب محمد صلاح على نظامه الغذائي ؟


-تناول الأكل الصحي اللي بيحتوي على الخضروات بكميات كبيرة، والفاكهة. و المعروف إنه بيفطر بيض وسلامون، وعصير برتقال أو أفوكادو، والغدا بيكون سوتيه.

-صلاح بيتبع نظام  "اللقيمات" و بيتناول 4 أو 5 وجبات في اليوم الواحد، للمحافظة علي وزنه و بيحاول دايما تجنب المقرمشات والأكل المقلي، و بيحرص على أكل السمك بشكل مستمر.

محمد صلاح دايما بيأكد علي أهمية التغذية و إنها جزء مكمل و مهم من لعبة كرة القدم، ومن أهم الأسباب اللي بتساعد علي نجاحها، هو عدم تناول المشروبات الكحولية.

 أهم الأسباب التي ساعدت محمد صلاح على إظهار مهاراتة و المحافظة عليها، هو النوم بشكل كافِ، و ده بيساعده إنه يكون عنده طاقة كاملة و اللي بيساعد بشكل كبير علي إستعادة و بناء العضلات.



الإعتماد علي التمارين الرياضية فقط من غير نظام غذائي هيكون غير كافي لبناء العضلات و الحفاظ علي اللياقة البدنية، التغذيه السليمه والصحيه هي شئ مكمل و ضروري للتمارين. ولازم يكون النظام الغذائي صحي مناسب للجسم و يكون حسب الوزن، الطول،السن والمجهود اليومي.

 إتباع نظام غذائي جيد، بيحتوي على نسبة كبيرة من البروتينات، الكربوهيدرات، الفاكهة والخضروات، بكميات كتيرة و الحرص علي عدد ساعات مناسب للنوم و علي شرب المياه بشكل مستمر مع ممارسة التمارين الرياضية بإستمرار بيضمن لأي لاعب إنه يحافظ علي مستواه وتفوقه أو أي شخص بيسعي إنه يكون عنده جسم صحي ورياضي.

ليست هناك تعليقات
إرسال تعليق

إرسال تعليق

شكرا علي تعليقك

الاسمبريد إلكترونيرسالة