U3F1ZWV6ZTQ5NDQ2NDcxODk0X0FjdGl2YXRpb241NjAxNjAzMDM5MzU=

أفضل التمارين لتضخيم العضلات


فهمنا لتكوين جسمنا و عضلاتنا بيساعدنا علي بناء العضلات بشكل سليم و هدم العضلات الضعيفة و تضخيم العضلة و بالتالي محتاجين نعرف إيه هو تكوين العضلات والتمارين المناسبة ليها.

إيه هو تكوين العضلة ؟

العضلة بتتكون من نسيج قوي عبارة عن ألياف عضلية مرنة و لكن قوية في نفس الوقت بتساعد الجسم علي الحركة بسلاسة و مرونة ، بناء العضلات بيمر بمرحلتين أولا هدم العضلات الضعيفة خلال ممارسة التمرين و بنائها مره تانية بعد التمرين خلال عملية الأستشفاء.

خلال التمرين كل عضلة في الجسم بتختلف عن التانيه سواء كان في أسلوب التمرين و مدته والراحه اللي العضلة بتحتاجها و عملية الإستشفاء بعد التمرين.

عضلات الجسم بتنقسم لنوعين ، عضلات كبيرة و عضلات صغيرة و كل نوع منهم بيحتاج نظام مختلف في الأيام اللي محتاجاها العضلة في التمرين و نوعية التمرينات.

العضلات بتنقسم إلي:


عضلات كبيرة ،  وهي عضلات الرجل ، الصدر ، الضهر ، الكتف و لازم نكون عارفين إن العضلات الكبيرة بتحتاج ليوم تمرين أو اتنين كحد أقصي وأيام الراحة لازم تكون أكتر من 3 أو 4 أيام راحة علشان العضلة تاخد فرصتها بعد التمرينات و تقدر تعمل عملية الإستشفاء بشكل أسرع لإن العضلات الكبيرة الألياف العضلية فيها بتكون أقوي و أكتر فطبيعي هنلاقي إتلاف الأنسجه الضعيفة معدلها أكبر و بتاخد وقت كتير في الإستشفاء من يومين لثلاث أيام و ده وقت أكبر من الوقت اللي بتحتاجه العضلات الصغيرة ، ده غير إن طريقة التمرين بتختلف من العضلة الكبيرة للصغيرة لإن العضلة الكبيرة فيها ألياف عضلية كتير و قوية فبالتالي هتستحمل إنك تلعب حديد و تحمل عليها بأوزان مع عدات قليلة.
  
عضلات صغيرة ، و هي عضلات الباي سيبس ،التراي سيبس ، البطن ، السمانة وهي عكس العضلات الكبيرة لإننا ممكن نتمرن من مرتين لثلاث مرات في الأسبوع لإن عملية الإستشفاء بتكون أسرع لإن العضلات الصغيرة بتتلف ألياف عضلية أقل أثناء التمرين و بتحتاج من يوم ليومين علشان تتم عملية الإستشفاء و أيام الراحه من يومين لثلاث أيام أو من الممكن إننا نتمرن يوم و نريح اليوم اللي بعده و أسلوب التمرين بيكون بعدات أكتر من تحميل الأوزان.



أفضل طرق التمارين :


في بداية التمرين لو الشخص لسه بادئي يتمرن هيكون من الأفضل اللعب بشكل عام و الشغل علي كل العضلات أول شهر و بعد كده تركز علي كل عضلة  تشتغل عليها وده هيديك نتيجة أفضل و أسرع. 

التمارين هيتم تقسيمها لنوعين:


-تمارين هوائية ، الكارديو وهو مهم في زيادة ضربات القلب و سرعة التنفس و ده بيساعد الجسم علي أخذ كمية كبيرة من الأوكسجين 

-تمارين لا هوائية ، المقاومة و هي بتعتمد  علي زيادة الكتلة العضلية و قوة العضلات من خلال أنظمة مخصصة لزيادة القوة و التحمل و إنقباض العضلات ضد المقاومة الخارجية ومن أنواعها ، المقاومة بوزن الجسم زي الاسكوات أو مقاومة بأوزان 

والتمرينين دول بيطلق عليهم تمارين الإحماء لتهيئ الجسم لبذل مجهود كبير عن طريق توسيع الأوعية الدموية و زيادة تدفق الدم فيها ووصول الدم والاوكسجين للأنسجة العضلية أسرع و بيكون مدتهم من 5 إلي 10 دقائق 


كلامنا عن التمرينات اللي بتساعد علي تكبير حجم العضلات لسه مخلصش و هيكون فيه جزء تاني للمقال لشرح بعض التمارين بشكل أكتر تفصيلا.


ليست هناك تعليقات
إرسال تعليق

إرسال تعليق

شكرا علي تعليقك

الاسمبريد إلكترونيرسالة