U3F1ZWV6ZTQ5NDQ2NDcxODk0X0FjdGl2YXRpb241NjAxNjAzMDM5MzU=

إنقاص الوزن و تقوية العضلات باليوجا



ممارسة اليوجا بشكل منتظم في وجود نظام غذائي صحي بيساعد بشكل كبير علي إنقاص الوزن ، و ده بيرجع لإن الإسترخاء و التأمل أثناء ممارسة اليوجا بيساعدوا الشخص علي إنه يكون غير مقبل علي الأكل و بتسد الشهيه فبيكون عامل مهم في إنقاص الوزن مع ممارسة أنواع أخري من الرياضة و إتباع نظام أكل صحي.


تخصيص 20 دقيقة بس لممارسة اليوجا هتساعد علي تقوية العضلات و بنائها أثناء ممارستها و هتحفز حرق الدهون المحيطة بالعضلات في الجسم فبتبرز شكل العضلة و بتساعد علي تناسق شكل الجسم وهيبدأ مظهره يكون مشدود بدون تضخم مناطق عن الأخري بالإضافة لفوائد متعدده ، و ممارسة اليوجا مش هيحتاج مننا نروح أي مكان علشان نتعلمها فيه لإنها من الرياضات البسيطة اللي مبتحتاجش غير المجهود البدني والتركيز مننا.

فوائد ممارسة اليوجا علي الجسم و الصحة النفسية:




-اليوجا قادره علي معالجة آلام الظهر و الرقبه و تقوية عضلات الظهر والتقوس بالكامل 

-بتساعد علي إنقاص الوزن و حرق الدهون 

-الشعور بالإسترخاء و التخفيف من حدة التوتر و الإكتئاب

-زيادة مرونة الجسم و العضلات

-تجديد الطاقة بشكل مستمر و التخلص من الشعور بالتعب و الإرهاق 

-المساعده علي النوم بشكل أفضل و التخلص من الأرق

-تحسين الدورة الدموية و تنظيم ضربات القلب

-التمتع بجسم مشدود و قوام متناسق

-إخراج السموم من الجسم


أنواع اليوجا و تأثيرها علي الجسم:





اليوجا ليها أنواع متعددة و كل نوع منها ليه تأثير معين علي جزء من الجسم و علي الصحة النفسية

-دقيقتين فقط هنحتاجهم علشان نمارس يوجا السيفاندانا و اللي بدوره بيساعد علي تحسين التنفس والتأمل لإنه بيتيح الأسترخاء والتأمل للجسم عن طريق الأستلقاء علي الأرض لمدة دقيقتين و الأسترخاء و من خلال التمرين ده هنتعلم التحكم في الذات و السيطؤة عليها

-الأشتانجا هي نوع من أنواع اليوجا بيساعدنا علي جعل الجسم أكثر مرونة و قوة

-إذا كنت بتدور علي أكثر نوع سهل و بسيط من أنواع اليوجا فهيكون ألهاثا لإنه مش هيحتاج غير الأساسيات فقط زي التنفس و التأمل والتحكم في الجسم و الثبات فبيساعدنا بشكل كبير علي تعلم التوازن و التحكم في حركاتنا


تمارين اليوجا للمبتدأين:

-كل اللي هتحتاجه إنك تقف بإستقامة مع شد الجسم و ترك مسافة حوالي 3 أو 4 أقدام بين قدميك ، و توجيه القدم اليمني للجانب الأيسر أما القدم اليسر فهتفضل في نفس إتجاهها ، ألمس قدمك اليمني بيدك اليمني مع تحريك اليد اليسري إلي الأعلي و إخراج الزفير و الثبات علي الوضع ده لمدة 50 ثانية و بعدها بناخد نفس عميق وبنكرر التمرين مع الجانب اليمين.

-هنضع أطرافنا الأربعة علي الأرض مع إخراج الزفير و مد اليدين بإستقامة مع الكتف أمام جسمك ورفع منطقة الأرداف إلي أعليو أخذ نفس طويل و عميق والثبات علي الوضع ده لمدة 60 ثانية فقط و في حالة الإحساس بآلام بالضهر هنقوم بثني الركبتين.

اليوجا من أسهل أنواع التمارين اللي ممكن نمارسها و تساعدنا علي تحسين صحتنا النفسية و الجسمانية بأقل مجهود ممكن ده غير إنها مبتحتاجش مننا نروح جيم أو أماكن رياضية ، كل الللي هتحتاجة مننا هو الإسترخاء و التركيز و التأمل فقط.
ليست هناك تعليقات
إرسال تعليق

إرسال تعليق

شكرا علي تعليقك

الاسمبريد إلكترونيرسالة