U3F1ZWV6ZTQ5NDQ2NDcxODk0X0FjdGl2YXRpb241NjAxNjAzMDM5MzU=

تمارين الكارديو و تأثيره علي شكل الجسم


الكارديو من التمارين اللي بتستهلك كمية كبيرة من السعرات الحرارية ، وهو من التمارين اللي بتحتاج مجهود بدني كبير لإنها متعلقة بسرعة التنفس و ضربات القلب و الأوعية الدموية في الجسم و كل عملية منهم بتحتاج تحرق سعرات حرارية كتيره علشان تضخ الدم للجسم  و تمده بالطاقة اللازمة له ، و أي تمرين بيرفع عدد ضربات القلب من 50% إالي 75% فهو بيعتبر تمرين كارديو لإنه بيكون أعلي عدد لضربات القلب عندك.

الكارديو بيساعد علي إنقاص الوزن ، و لكن في حالة إنك مش مهتم بنظامك الغذائي ، الوزن اللي هتخسه هيكون دهون و كتلة عضلية مش دهون و بس.

أنواع تمارين الكارديو:


المشي، الجري، السباحه ، كرة القدم و رفع الأثقال و تمارين المقاومة في بعض الأوقات ممكن نعتبرها من تمارين الكارديو

إزاي أستفيد من تمارين الكارديو؟


أي تمارين بنمارسها بيكون ليها مميزاتها ، و إختيار أفضل أنواع التمارين لطبيعة جسمنا و الأوقات المناسبة  لممارسة التمارين هيساعدنا بشكل كبير علي تحقيق شكل جسم مميز في فتره زمنية قليلة.

كل وزن بيكون ليه تمارين و إحتياجات معينة  و فهمنا لطبيعة جسمنا هيساعدنا نختار التمارين المناسبة لينا و بكده هنقدر نحقق نتائج مرضية لينا في وقت قليل.
كل وزن ليه إحتياجات وتمارين معينة مناسبة ليه ،  الأوزان اللي بتتخطي ال 100 كجم بيكون من الأفضل ليها إنها تبدأ الأول بالكارديو علي عكس الأوزان الخفيفة اللي نسبة الدهون عندهم قليلة و عايزين يزودوا الكتلة العضلية هيركزوا علي الحديد أكتر من الكارديو ، و في حالة وجود نسبة دهون عالية في الجسم و كتلة عضلية ضعيفة هنركز علي لعب الكارديو مع الحديد لزيادة العضل و تخسيس الدهون الموجودة بالجسم.


إيه هي مميزات تمارين الكارديو؟





-بيساعد علي إبراز عضلات الجسم و شكل الجسم ككل لإنه بينزل كمية كبيرة من الدهون

-إبراز شكل الجسم بصورة أفضل بعد فترة قليلة من ممارسة الكارديو 

-بيعمل تنوع في أنواع التمارين الرياضية اللي بتمارسها فمبتحسش بملل

-ممكن ممارسة تمارين الكارديو في البيت بدون الحاجة لمعدات أو الجيم

-يساعد علي الحماية من أمراض القلب و السكري

-بيحسن المزاج والصحة العامة

-ترفع من كثافة العظام 

-تقوي عضلات القلب

-يساعد علي تحسين الحالة النفسية

-بيمد الجسم بالنشاط في الحياه اليومية


 الكارديو زيه زي أي تمرين  بيساعد علي إنقاص الوزن ، و لكن في حالة إنك مش مهتم بنظامك الغذائي ، الوزن اللي هتخسه هيكون دهون و كتلة عضلية مش دهون و بس و دي النقطة اللي دايما بنهتم بالكلام عنها و هي الإهتمام بالنظام الغذائي و الأكل الصحي لأنه بيساعد في تحسين شكل الجسم مع ممارسة الرياضة.
ليست هناك تعليقات
إرسال تعليق

إرسال تعليق

شكرا علي تعليقك

الاسمبريد إلكترونيرسالة