U3F1ZWV6ZTQ5NDQ2NDcxODk0X0FjdGl2YXRpb241NjAxNjAzMDM5MzU=

أحصل علي بطن مشدوده في 15 دقيقة



كتير من الناس بيعانوا من كميات دهون متخزنة في البطن و ضعف العضلات الموجودة في منطقة البطن بشكل عام و ده ليه أكثر من سبب ، أولا لإن منطقة البطن من أكتر المناطق في الجسم اللي بيتجمع فيها الدهون ، ثانيا عدم إتباع نظام غذائي صحي و قلة الحركة و في بعض الحالات بتكون بسبب عوامل وراثية.

ضعف عضلات البطن و تراكم الدهون فيها بيأثر علي الصحة العامة و بيضعف عضلات الضهر 
و بيخلي الشخص مش راضي عن شكل الجسم ككل  ده غيرإنه ممكن يسبب عدم القدرة علي الحركة في الحالات اللي بتعاني بشدة من دهون البطن.

بعض الناس بيحاولوا يعملو دايت علشان يخسوا و لكن بطريقة غلط  و ده اللي بيخليهم دايما يشتكوا إن  وزنهم بدأ ينزل  و لكن من غير تأثير واضح علي الدهون الموجودة في منطقة البطن و علي مظهرهم الخارجي ، ده اللي يخلينا نتأكد إن مش بس تقليل الأكل أو لعب الرياضة هيساعدونا إننا نتخلص من دهون البطن ولكن هي أكتر من خطوه لازم نتبعها من غير إغفال أي جزء منها لإنها متكاملة و مترتبة علي بعضها. 

إيه هي الخطوات اللي هتساعدنا في الحصول علي بطن مشدودة؟


-أولا:

-إتباع نظام غذائي صحي بيحتوي علي عناصر مفيده و ذات قيمة غذائية  ، التقليل من الدهون والسكريات ،  شرب 8 أكوب من المياه في اليوم و تعويد الجسم علي كثرة الحركة.

-القيمة الغذائية الموجودة في الأكل بتتكون من: 


-فيتامينات

-ألياف غذائية 

-أملاح معدنية


-أحماض أمينية

-مضادات أكسدة

ثانيا:

-عدم الإكتفاء بالنظام الغذائي و ممارسة تمارين رياضية للمساعدة علي شد البطن و حرق الدهون بجانب إتباع نظام غذائئ صحي ، العمل علي عضلات البطن من خلال ممارسة تمارين مخصصة ليها لمدة 15 دقيقة يوميا للمساعده علي شد البطن و بناء العضلات.

1-تمرين شد البطن بإستخدام الكرة:


هو تمرين بيساعد علي شد عضلات البطن كلها عن طريق الإستلقاء علي الأرض ومد اليدين بشكل مستقيم مع وجود كرة وده شرط أساسي لممارسة التمرين ، أول خطوة هتكون مسك الكرة بإستخدام الأيدين و تاني حاجه هتكون تقريب الكرة علشان تلمسها القدمين مع المحافظة علي الكرة بين القدمين مع فرد الجسم كليا و أخيرا تسليم الكرة من القدمين الي اليدين و تكرار التمرين مرة أخري بنفس الخطوات.



تمرين شد البطن بإستخدام الكرة بالنسبة للمبتدئين هيكون مرهق جدا ليهم في بداية ممارستة فلازم لعبة بشكل صحيح و يكون في فترة راحة بين ممارسة نفس التمرين مرة تانية.  

2-تمرين العجلة:


هو شبيه لحركة التبديل بإستخدام العجلة ، بيقوم الشخص بالإستلقاء علي الأرض و يبدأ بالتبديل برجلية في الهواء مع تشبيك اليدين خلف الرأس و يبدأ بملامسة مفصل اليد اليمني بمفصل الرجل اليسري مع الإستمرار بالتبديل بالرجلين و تكرار نفس التمرين ولكن بملامسة مفصل اليد اليسري بمفصل الرجل اليمني و ممارسة التمرين لمدة دقيقة و أخد عدة ثواني راحة و بعدها نكمل تلات مجموعات من التمرين و كل مجموعة هتكون لمدة دقيقة مع سرعة متوسطة ، تمرين العجلة بيفيد في شد كل عضلات البطن و حرق الدهون.





 3-تمرين لمس الأقدام:


-تمرين لمس الأقدام بيتم عن طريق إستلقاء الشخص علي الأرض ورفع الرجلين و تثبيتها في الهواء في زاوية 90 درجة وبعد كدة بيمد إيده اليمين علشان تلمس رجليه الشمال والعكس بإستخدام عضلات البطن ، هيتم عمل تلات مجموعات من تمرين لمس الأقدام و كل مجموعة هيكون عددها 30 مرة مع أخذ راحة بين كل مجموعة والتانية.
تمرين لمس الأقدام مفيد في شد عضلات البطن العلوية و بيساعد في بناء عضلات البطن الجانبية. 








تمارين شد البطن ممكن تسبب إرهاق كبير للمبتدئين علشان كده لازم ناخد فترة راحة و عدم اللعب كل يوم لمساعدة العضلات علي الإستشفاء مرة  تانية و بنائها مع الإلتزام بالنظام الغذائي الصحي و الإستمرار في ممارسة التمارين الرياضية.






ليست هناك تعليقات
إرسال تعليق

إرسال تعليق

شكرا علي تعليقك

الاسمبريد إلكترونيرسالة