مكونات البطيخ : البطيخ مش مجرد قشره خضرا من بره وقلب أحمر وشويه لب ، لا تماما دا فاكهه كدا كل جزء فيها بيديك حاجه زي القشرة والب غنين جدا بالحامض الاميني المعروف بـ ( الستيرولين ) واللي بيتحول الي ( ارجينين ) وبالتأكيد كلنا عارفين أن الارجينين الجسم بيحتاجه لإنتاج " أكسيد النتريك " واللي بيكون له فوايد كتيرة جدا لجسمك وهنعرفك عليها في النقطه الجاية ، الي جانب بردو أن اللب غني بحامض الليكوبين واللي بيساعد في معدلات النمو الأول واللي هو شبية بالأنسولين .
البطيخ بيحتوي علي : الشريحه الواحده من البطيخ بتحتوي علي 350 جرام ومقسمين لـ :
_ 86 سعر حراريا .
_ 22 جرام كربوهيدرات .
_ 2 جرام بروتين .
_ 1 جرام الياف .
_ 0 جرام دهون .
وبالتالي فأنت هتاخد نسبه معقوله جدا من السعرات الحراريه من شريحه واحده بس وطبعا بروتين وكربوهيدرات .
فوايد البطيخ : زي ما قولنالك فوق أن البطيخ بيحتوي علي أكسيد النتريك واللي ليه فوايد كتيرة جدا وهما :
_ تقوية وتحفيز الجهاز المناعي عندك .
_ يساعد علي حرق الدهون بشكل كبير جدا .
_ بيوسع الأوعية الدموية وبالتالي بيزيد الدم في الوصول للعضلات المحمل بالاكسجين والإغذية ودا هيترتب عليه مساعدتك بشكل كبير علي بناء العضلات وضخامتها .
_ لو بتعاني من ضغط الدم ، البطيخ هيساعدك جدا .
_ الي جانب أن البطيخ بيساعد علي إسترخاء العضلات ومنع تشنجها .
_ وأخيرا هو أفضل فاكهه هتساعدك متحسش بأي عطش وخصوصا في الجو دا ، ودا بيرجع ببساطه بسب أنه بيتكون من 92% ماية . فكل بطيخ براحتك ودوس فيه ومتقفش .