ماأعتقدش إن مافيش حد ماسمعش قبل كدا عن تمارين الضغط !!!
طب تمارين الضغط دى مهمة فعلا للعضلات وبتقويها ولا أكذوبة وملهاش لازمة ؟
فى مقال النهاردة هنجاوب على السؤال دا بس مبدئيا كدا لازم نعرف إن تمرين الضغط من أشهر وأقدم التمارين الرياضية خاصة إن هذا التمرين مهم جدا بسبب فوائده العظيمة فى حرق الدهون وتقوية العضلات وخاصة عضــــلات الصـــــدر ودى حقيقة مش أكذوبة وبكدا نكون جاوبنا على سؤال مقالنا لكن هنجاوب عليه أكتر لما نشرحلكوا فوائد تمارين الضغط .
طب إزاى أمارس تمرين الضغط بشكل سليم ؟
إستلقى على الأرض وضع كفى يدك على الأرض بحيث يكون كتفيك متساويين وقدميك مستقمتين - لازم يكون وضع الأرجل متساوى مع الأكتاف - ثم إرفع جسمك ونزله دون ملامسة الأرض ثم واصل الضغط وكرره .
طب المبتدئين يمارسوا تمارين الضغط إزاى ؟
- احنا قلنا إزاى نمارس تمارين الضغط بالإضافة لكدا فيه ناس مبتدئة علشان كدا بنقولهم لازم يمارسوا التمرين 3 مرات وكل مرة 5 ضغطات وتانى مرة 7 ضغطات وثالث مرة 9 ضغطات وهكذا لو زود التمرين يزود عدد الضغطات .
- نمارس التمرين لمدة 3 أيام متتالية ثم نتوقف يوم راحة للجسم وهكذا لمدة 14 يوم وكل تمرين نزود الضغطات وبالتالى أداء التمرين هيصبح سهلا .
إيه هى فوائد تمارين الضغط ؟
من أهم التمارين عند لاعبى كمال الأجسام حيث :-
1- يقوى عضلات الصدر ويضخهما ويساعد فى بنائها بشكل رياضى سليم مش بس عضلات الصدر دا بيقوى جميع عضلات الجسم زى عضلات اليدين والساعدين والكتفين وعضلات الظهر .
2- بيقوى عضلة القلب وبينشطها .
3- بسبب بساطة تمرين الضغط فهو سهل الممارسة ولايحتاج قوة بدنية كبيرة وكمان ممكن يمارسه اللاعب فى أى مكان .
4- التمرين دا يعتبر التمرين الوحيد اللى مش بيحتاج أى أجهزة رياضية .
5-رغم بساطته وسهولة ممارسة وعدم إحتياجه معدات رياضية إلا أن نتائجه فعالة جدا فى بناء الجسم والحصول على شكل رياضى .
6- بيساعد فى حرق الدهون .
7- يساعد فى طرد السموم من الجسم ويحافظ على توازن مستوى الدم.
8- يمنح الجسم نشاطا ويحميه من التوتر والإكتئاب بإعطائه طاقة إيجابية .
طب هى أضرار تمارين الضغط ؟
إذا لم يتم ممارسة هذا التمرين بشكل صحيح فقد يؤدى لتمزق فى العضلات .
أوضاع ممارسة تمرين الضغط؟
- تمرين الضغط (الذراعين متباعدين) دا بيقوى عضلات الصدر .
- تمرين الضغط ( الوقوف على اليدين ) دا بيقوى عضلات اليدين .
- تمرين الضغط ( يد واحدة ).
- تمرين الضغط ( رجل واحدة ).
- تمرين الضغط ( شكل الرمح ) ودا بيقوى الكتفين .
- تمرين الضغط (الضغط على أصابع اليد ).
وبكدا من خلال مقالنا عرفنا وإتأكدنا إن تمارين الضغط مهمة جدا ومش أكذوبة بالعكس لو مارسها الشخص بشكل سليم وحتى لو إكتفى بها هيحقق نتائج إيجابية وهيبنى عضلات قوية .