منطقة الوسط بتسبب دايما مشكلة لناس كتيرو هنلاقي في شكوي بشكل مستمر سواء من ناس تخان أو رفيعين إن عندهم كرش و إنه مش بينزل بسرعه حتي مع التمارين و إتباع نظام غذائي.
ثبات الوزن حتي مع ممارسة تمارين رياضية بيسبب إحباط كبير، طبعا محتاجين نعرف إزاي نعلي حرق جسمنا و يشتغل علي حرق الدهون و نبعد عن إزعاج ثبات الوزن.
في حاجات معروف عنها إنها بتقلل حرق السعرات الحرارية في الجسم ولازم نتجنبها:
-ممارسة التمارين الرياضية من غير إتباع نظام غذائي
-عدم شرب المياه ونقصها في الجسم
-نقص عناصر ضرورية للجسم زي البروتين، الخضار، الفاكهه و الأوميجا 3
و بكده نكون حددنا أغلب الأسباب اللي بتؤدي لتقليل نسبة حرق السعرات الحرارية في الجسم
من الضروري إننا نتجنب كل العوامل اللي بتقلل حرق السعرات و نركز أكتر علي العوامل اللي بتساعد علي حرق السعرات بشكل أكتر.
-وجبة الفطار من أهم الوجبات اللي لازم نهتم بها و مينفعش نفوتها أبدا
-إتكلمنا قبل كده عن نظام اللقيمات و إنه من الأفضل لينا نقسم الوجبات ل 5 أو 6 وجبات في اليوم
-"تمارين رياضية + نظام غذائي متوازن + كارديو" معادلة هتساعدك في تحسين شكل جسمك و نحت الوسط
-مش محتاجين نتكلم عن أهمية شرب كميات كبيرة من المياه لإنها بتساعد الجسم و بتأثر فيه بشكل كبير مع عدم شرب المياه الغازية تماما
-لازم نهتم بنوعية الأكل و إنه يكون أكل صحي متوازن وغني بالعناصر اللازمة لصحة الجسم مع تقليل كمية الملح
نحت منطقه الوسط بتحتاج بذل مجهود أكبر و صبر لإن الجسم كله ممكن يخس ولكن منطقه الوسط بتفضل زي ما هي لإن الدهون بتتجمع فيها بسهوله و ده بيحتاج مننا تركيز أكتر علي إحتياجات جسمنا من تمارين و نظام غذائي علشان نوفرها ليه و نساعدها يحسن من أدائه و شكله للأفضل.