إزاي اكون كيرفي ؟؟

الصفحة الرئيسية
إزاي اكون كيرفي ؟؟

صور ياسمين صبري اللي كل شويه بتنزل علي السوشيال ميديا بتزعلك أكيد ، وبتخليكي تسألي نفس السؤال في كل مره تشوفيها فيها ، هي إزاي كيرفي كدا ؟ ، وإزاي بتحافظ أصلا علي جسمها ؟
أه صحيح أنا بشوف صورها كتير في الجيم ، بس عادي وإية يعني ما أنا بردو بنزل الجيم كل يوم وطالع عيني في التمارين والنظام الغذائي بس بردو مفيش فايدة ولا إي حاجه بتحوق فيا وجسمي زي ما هو ومش عارفه أنحته كدا وأخلي جسمك زي الساعة الرملية اللي هي منحوته من الوسط بدون أي دهون وتشوفها تجذب عينك علي طول ؟

إزاي اكون كيرفي ؟؟

بصي يا ستي ببساطه سواء بتروحي جيم ومواظبه علي تمارينك تمام والنظام الغذائي مش بتعكي فيه أبدا ، أو مبتروحيش جيم خالص ونفسك تكوني كيرفي زي ياسمين صبري وجنفير لوبيز كدا ، احنا في المقال دا هنعرفك الطريقه الصح وبطريقه سهله وبسيطة بس المهم التطبيق من ناحيتك والإستمراريه .

إزاي اكون كيرفي ؟؟

1_ أنحتي جسمك : من الأخر دي أسرع طريقه ممكن تتبعيها علشان تبقي كيرفي ، ودي الطريقه الأشهر بين معظم الممثلات زي عائله كاردشيان ، وبتعتمد الطريقه دي علي إجراء عمليه جراحيه بيتم فيها نحت الجسم من منطقه الوسط والتخلص من كل الدهون ، أما بقي لو أنتي رفيعه وبطنك مشدوده ومفيش أي دهون هينفخوها وينفخوا كل مناطق الأنوثة بالسليكون واللي هيبرز كل معالم أنوثتك ويبين الكيرفي علي طول .

إزاي اكون كيرفي ؟؟

2_ التغذية : دي تعتبر أكيد أفضل طريقه تبداي بيها السلم صح للوصول للكيرفي مظبوط ، ونبدأها معاكي بجمله مشهوره " متسمعيش لحد " ، يعني اللي يقولك أتبعي نظام غذائي معين خالي علي سبيل المثال من الملح والعيش الأبيض والسكر والمكرونه دا خطأ جدا لأنك كدا بتحرمي جسمك من فيتامينات مهمه جدا الي جانب أنك بتتضعفي بعض الأجزاء عندك ، زي مثلا لو بطلتي ملح هتتضعفي الإشارات العصبيه عندك ، علشان كدا أكلي كل اللي نفسك فيه بس بسعرات حراريه مسموح ليكي بيها مسبقا مع الكاوتش بتاعك بناءا علي جسمك ونسبه الدهون عندك وتقدري تحسبي نسبه الدهون عن طريق المقاله دي .

إزاي اكون كيرفي ؟؟

3_ شيلي أوزان تقيله : أه زي ما قريتي كدا لازم تشيلي أوزان تقيله وتفكك خالص من جو وزن الـ 10 كيلو والـ 5 كيلو والحاجات الصغيره دي ، وطبعا مش من أول يوم هتتدخلي فيه الجيم هتشلي اوزان تقيله علي طول ، أكيد لا لازم تبدأي بالحاجات الصغيره وبعده تتدخلي علي الأوزان التقيله ، وببساطه الحديد دا هو اللي هيشد جسمك ويساعدكي تتخلصي من أي دهون ، ولازم بردو تشيلي من تفكيرك خالص أن الأوزان التقيله والحديد هتتطلعلك عضلات وتبقي هيو جاكمان بقي في نفسك ، لا أن دا مش هيحصل ابدا حتي لو شلتي 200 كيلو حديد في اليوم ، وتقدري تقرأي المقال دا وهتعرفي بنفسك ليه مش هيطلعلك عضلات ابدا مع رفع الحديد .

إزاي اكون كيرفي ؟؟

4_ ألعبي كارديو : طبعا الكارديو مهم جدا ، لانه هيزيد من الحرق عندك ، وهيبقي هو والأوزان التقيله بيحرقوا أكبر قدر من الدهون بشكل سريع ، وبالتالي عميله تحولك للكيرفي هتكوني أسرع .
إزاي اكون كيرفي ؟؟

واخيرا بلاش تلجأي للطرق السهله بتاعت ألبسي ملابس داخليه من السيلكون ، لأنك كدا بتضيعي فلوسك علي الارض في حل مش عملي إطلاقا وهيديكي منظر جذاب لساعات بس ، او مثلا البنات اللي بتروح تلبس كورسيه ، أولا أنتي مش مضطره للحل دا أبدا ، ثانيا الكورسيه هيخنقك جدا وأنتي خارجه وهيقيدك جدا وهتحسي بمعاناه غير طبيعيه وانتي لابساه ، فليه تعملي في نفسك لما قدامك أنك تكوني كيرفي بطرق سهله صحيح متعبه شويه بس كل حاجه حلوه مش بتيجي بالساهل ، المهم يا كيرفي أنك تبدأي وتحاولي مره وأتنين وهتنجحي بس يلا بينا نبدا نرفع أوزان ثقيله ونلعب كارديو ونتبع نظام أكلنا اليومي كويس ومنعكش خالص . 
google-playkhamsatmostaqltradent