خلاص رمضان علي الأبواب وبالنسبه ليك / ليها وأنت بتعاني من النحافة أو وزنك قليل ، دا مشكله كبيره ، لأنك هتصوم أكتر من 15 ساعة في اليوم الواحد وبالتالي وزنك هيقل أكتر وأكتر .. وأكيد أنت دلوقتي مكئتب ومش عارف إزاي تحل المشكله دي ، مع أنها مش مشكله ولا حاجه وهنعرض عليك دلوقتي في خطوات بسيطه وسهله إزاي تزود وزنك في رمضان وتتطلع منه وانت كسبان من 10 لـ 12 كيلو ، بس الاهم تتطبق كل اللي جاي كويس وهنبدأ معاك بـ :
1_ أعمل تحاليل لمعرفة سبب وزنك القليل : قبل ما تبدأ في إي نظام غذائي لازم تروح الاول لدكتور تغذية وهو يحدد ليك التحاليل اللازمه عشان تعرف سبب المشكله إية ، وتتأكد أن مفيش أي سبب معين مانع جسمك من أنه يزيد في الوزن وبعده تعال نبدأ مع بعض الخطوات الجاية .
2_ أشترك في الجيم : أيوه زي ما قرأت تانيه خطوه هي الإشتراك في الجيم ، اصل الجيم مش للتخسيس وكمال الاجسام ، دا كمان لزياده الوزن وتظبيط الجسم ، ودا اللي انت محتاجه جدا ، وروح علي طول العب علي أجهزه الحديد ، أما لو أنتي بنت بلاش تلعبي زومبا او ايروبكس لأنهم بيحرقوا سعرات بنسبه عاليه جدا وبالتالي وزنك هيقل أكتر وأكتر ، وبالنسبه لوقت التمرين في رمضان حاول يكون قبل الفطار بساعة عشان تخلص التمرين من هنا وتروح علي الفطار وهتلاقي نفسك بتأكل بكميات كبيره .
3_ حدد عدد السعرات اللي بيحتاجها جسمك : لازم تحدد عدد السعرات اللي بيحتاجها جسمك في اليوم الواحد ودا هتقدر تعمله بسهوله عن طريق أنك تكتب في اي موقع " طولك ووزنك " والرقم اللي هيطلعلك تزود عليه 500 سعره وتبدأ تحدد الأكل اللي هيوصلك للسعرات دي وهنتناول معاك دلوقتي الوجبات اللي هتوصلك للسعرات اللي بيحتاجها جسمك بدون ما يطلعلك بطن او كرش تتضايقك .
أ _ البروتين : بيعد البروتين من أهم المصادر الغذائيه اللي بتساعد في بناء جسمك بناء سليم وزياده الوزن ، ولازم تكون عارف كويس أن البروتين مش بس لحمه دا كمان هتلاقيه متوفر في البيض والسمك والبقوليات وغيرهم الكتير جدا ، بس بلاش تكتر من أكله عشان بيساعدك علي الشبع بسرعه كبيره ، وتقدر تقرأ المقال دا وتعرف الكميه المسموحه ليك يوميا من البروتين ، وفي الفطار أتناول علي سبيل المثال " ربع فرخه " وبعدها كل الخضار وبعدها بساعتين او تلاته بالكتير أتناول ربع تاني . وكذلك الامر في التعامل مع اللحمه وغيرها .
ب_ زود توابل وصلصات : التوابل والصلصات بيزودا الوزن بنسبه كبيره ، فدايما اكلك خليه يحتوي علي الافوكادو والشوفان والصلصة والتوابل ودا كله هيدي طعم حلو لاكلك ويفتح نفسك أكتر وأكتر .
جـ _ بلاش المايه في نص الاكل : طبعا المايه بتكون وحشانا جداا طول فتره الصيام بس لازم تبعد عنها تماما أول ما الاذان يبدأ واكتفي بالعصير بس ، لأنها بتملي البطن جدا وبتحسسك بالشبع بسهوله ، فانت ابتعد عنها تماما في اول الاكل وفي نصه وبعد ما تخلص أشرب مايه براحتك .
د _ البروتين قبل الخضار : وانت جاي تبدا اكلك ، ابدا بالبروتين وخلصه كله وبعده كل الخضار الموجود والنشويات زي الرز او المكرونه ودي افضل طريقه لزياده الوزن وبتفيد جسمك بكل البروتين ، وحاول أنك بعد الاذان تاكل كل ساعتين أو تلاته قطعه من البروتين وفي النص كل فاكهه كتير زي الموز والبطيخ بيفيدوا الجسم .
